今年 11 月，喺德國柏林舉行嘅 2018 年度 Lush 嵐舒「打擊動物測試大獎」頒獎典禮完滿結束。嚟自全球 10 個國家嘅科學家以及社會運動倡議者共獲頒 33 萬英鎊獎金（約港幣 330 萬元），以支持他們在終止動物測試範疇上所作出嘅貢獻。 獎項總共有5 大類別，包括：科研獎、培訓獎、傑出青年學者獎、遊說獎及公民意識獎。

當中嘅傑出青年學者獎為年輕科學家而設，以鼓勵為打造零動物測試未來作出貢獻嘅年輕人們。為咗支持世界上一啲零殘忍科學研究並未普及嘅國家，獎項分為三個區域類別，包括亞洲、美洲和其他國家。今年亞洲區嘅得獎者中，兩位分別嚟自大中華地區 —— 青海及台北嘅科學家邢江娃博士及陳冠宇博士， 均獲得 1 萬元英鎊獎金（約港幣 10 萬元）。

青海大學邢江娃博士嘅獲獎研究，運用其自主研發嘅基於人胚胎幹細胞嘅μP-hPST 發育毒性測試平台，嚟測試並分析抗癌藥物使胚胎畸形嘅致畸機制。邢博士使用非動物測試嘅方法，探討優化抗癌藥物嘅可能性，令更多人包括孕婦受惠。

嚟自台灣國立交通大學生醫工程研究所嘅陳冠宇博士，憑著細懸浮嘅健康評估系統獲得獎項。研究中包含咗仿生嘅肺泡晶片模型以及仿真嘅呼吸系統，取代以動物實驗進行肺部健康風險評估，為未來嘅藥物開發予治療帶來更多方向及可能性。

英國零殘忍實驗室嘅創辦人 Dr. Carol Treasure 表示當佢講起零殘忍測試嘅時候，並唔會形容佢為『替代方法』。佢認為咁嘅講法令不涉及動物嘅實驗變為次等選擇；然而，現時零殘忍實驗嘅技術已遠超傳統動物測試。願打擊動物測試大獎，可以喺未來鼓勵更多科研人員進行零殘忍科學研究，以達致全面取代動物實驗嘅最終目標。