虛擬實境(VR)、擴增實境(AR)及電子競技等數碼娛樂近年愈趨普及，而數碼港商場亦承住呢股熱潮，喺今個聖誕化身數碼娛樂熱點，隆重推出「聖誕特工學園」虛擬世界任務大挑戰，將成個中庭打造成科幻網絡世界，呈獻不一樣嘅奇幻聖誕。

於2018年11月24日至 2019年1月1日期間，數碼港邀請大家化身成聖誕特工，接受一連串虛擬世界任務，挑戰多款動感互動遊戲包括「聖誕星星大追蹤」、聖誕老人村VR奇幻歷險、冬日4D雪橋穿越任務、極地滑雪障礙賽、動感激光節拍戰，通過緊張刺激嘅考驗尋回全部禮物，體驗由虛擬實境帶嚟嘅非一般運動樂趣。

PopSqaure 新品體驗無人快閃店更破天荒登陸數碼港，搜羅至潮創意聖誕禮物。數碼港商場約定大人小朋友，齊齊喺聖誕及元旦玩餐飽，渡過豐富圓滿嘅節日！特工們，準備好接受聖誕特工嘅任務未呀？

聖誕特工任務第一擊 大玩「聖誕星星大追蹤」AR遊戲兼搶禮物 至潮獎品鬥快搶
由2018年11月24日至2019年1月1日，參加者只要下載「聖誕特工通行證」手機應用程式，就可參加「聖誕星星大追蹤」擴增實境 (AR )遊戲，喺商場唔同角落尋獲聖誕老人遺失嘅聖誕星星。

顧客可以喺商場四個特定嘅區域以唔同嘅場景體驗遊戲，虛擬實景會彈出映射數碼港商場內部，聖誕特工要喺虛擬實景中不停「暴走」，喺有限嘅時間內鬥快「搶走」彩色星星。參加者收集到指定分數後，並於數碼港商場內消費滿港幣$300，便可憑電子禮物換領券及消費收據換取聖誕Q版LED光纖燈一個。數量有限，換完即止。

聖誕特工任務第二擊 四大主題區 挑戰視覺聽覺觸覺
由2018年12月15日至 2019年1月1日，為配合數碼娛樂嘅主題，數碼港商場中庭打造成科幻網絡世界，特設四大動感遊戲主題區，全方位挑戰視覺、聽覺、觸覺！

聖誕老人村VR奇幻歷險 聖誕老人與你的浪漫冒險

芬蘭北極圈嘅聖誕老人村，係好多人夢寐以求嘅地方。戴上VR虛擬實景眼鏡，與聖誕老人一齊坐上模擬雪橇，等馴鹿帶領你飛越穿梭夢幻嘅聖誕村莊之中，冒險旅程引發一連串刺激感官嘅效果。精緻嘅動畫、全方位攝影建構出虛擬世界，刺激視覺嘅震撼，為你創造親歷其境嘅奇妙體驗，彷彿進入聖誕老人村嘅國度！刺激好玩嘅VR冒險之旅，令大人及小朋友都好期待。

冬日4D雪橋穿越任務 一嘗身處高空的恐懼

要成為專業嘅聖誕特工，必定要「使命必達」，無論環境幾惡劣都唔可以退縮！參加者只要戴住無線VR裝置，跨越「吊橋」並進入平行宇宙，途中唔單只可以看到山峰，還可以聽到「嘩啦嘩啦」嘅風聲，連仲可以感受到走喺橋上嘅搖動感，營造超現實嘅臨場感。

極地滑雪障礙賽 令人腳軟的極迫真體驗

作為一個專業嘅聖誕特工，點會少得刺激嘅滑雪任務呢！特工們必定要挑戰極地滑雪障礙賽，體驗極迫真滑雪體驗。操作手柄猶如真實滑雪杖，使用手柄傾斜左或右控制方向，參加者如身臨其境般喺雪地上滑雪，逼真度爆燈！

動感激光節拍戰 驚險萬分 節奏大師齊「挑機」

聖誕特工另一特質就係身手敏捷！自問「武功高強」嘅你絕對不容錯過，喺一片黑暗嘅環境中，只有兩支由控制器變成嘅「光劍」與你作伴。隨住音符方塊逐漸「逼近」，手握「光劍」，將方塊逐一擊破，賺取分數。除咗要即時劈開呢啲方塊外，仲要閃躲障礙，自問身手不凡嘅你地唔好錯過，過嚟一較高下啦！

「聖誕特工學園」虛擬世界任務大挑戰
日期：2018年11月24日至2019年1月1日
開放時間：12:00-19:00
查詢電話：3166 3111
地點：數碼港商場