「We wish you a Merry Christmas！」今年聖誕（12月14日至12月25日），東京日比谷公園將會舉辦「東京Christmas Market 2018」，同大家一齊慶祝普世歡騰嘅聖誕節。

(tokyochristmas.net)

「聖誕市集」源於德國，自中世紀開始傳去歐洲各地嘅傳統祭典。喺「聖誕市集」入面，大家除咗會係天台買雜貨同聖誕裝飾外，仲會喺浪漫嘅聖誕氣氛入面同朋友飲酒，慶祝聖誕節。而「東京Christmas Market 2018」正正就係參考「聖誕市集」而舉辦嘅。

(tokyochristmas.net)

今次「東京Christmas Market 2018」嘅佈置，主要參考德國賽因村喺「聖誕市集」時嘅設計。唔只咁，大會今次仲專程遠赴德國賽因村，將14米高嘅「聖誕金字塔」帶嚟東京。14米高嘅「聖誕金字塔」一共有6層，每層入面都有幾個胡桃夾子公仔，就好似置身於德國慶祝聖誕節咁。

而「東京Christmas Market 2018」嘅「Market」部分，將會由食物同雜貨兩部份組成。食物方面，會埸入面除左有得買熱飲同啤酒外，仲有唔同嘅聖誕美食等住你食；而雜貨方面除咗保暖衣物外，仲有極具聖誕氣氛嘅聖誕水晶球賣。

淨剩係市集又有咩咁吸引？有見及此，大會今次邀請咗AnTon & the Jingle Bells同Sunnyside Gospel Club等等嘅表演團體，同大家共譜聖誕隹音！另外，「東京Christmas Market 2018」仲有限定嘅工作坊，等大家感受德國嘅聖誕氣氛之餘，仲可以整以聖誕為主題嘅LED燈、蠟燭同水晶球。

想感受德國嘅聖誕氣氛？唔洗搭8個鐘機去歐洲啦！去東京日比谷公園嘅噴水廣場就得啦！今個聖誕，帶埋一家大細一齊去東京感受德國聖誕！