喺繁忙嘅都市入面，想見到螢火蟲嘅蹤影非常困難...今個聖誕，D2 Place 會引領大家進入不為人知嘅夢幻森林，展開奇幻探險之旅，一齊揭開森林嘅神秘面紗，尋找冬螢足跡！ 

景點(一)：《賞螢森林》帶您進入螢火仙境

商場二期The Garage將會化身「賞螢森林」，喺呢一片夢幻森林入面，住咗一群守護螢火蟲嘅小精靈，佢地嘅職責就係用盛載住神奇力量嘅玻璃瓶，將螢火蟲好好珍藏及保護。入場觀眾將以「探險家」身份，深入探索螢の森嘅秘密，欣賞螢光點點飛舞、尋找小精靈嘅身影。

互動感應裝置  營造真實探險效果 

喺漆黑嘅森林環境入面，「探險家」只要拎住由小精靈製造嘅神奇發光瓶搜索草叢及角落，就會觸發場內多個感應裝置，呈現唔同視覺及聽覺驚喜效果，俾「探險家」親身感受探險樂趣。

走進巨型玻璃瓶  由精靈為你送上祝福

入場人士可以走入盛載奇幻力量嘅玻璃瓶，小精靈會集合大自然嘅魔法，祝福玻璃瓶內嘅人們。

景點(二)：精靈小木屋  為寒冬中的森林帶來生氣

D2 Place首創嘅聖誕天台飄雪載譽歸來！喺白茫茫嘅彷真雪地森林內，隱藏住另一群擁有神奇力量嘅精靈們，佢地可以令身邊嘅冰天雪地一一融化，變成充滿生機、朝氣蓬勃嘅夢幻樂土。大家除咗可以一探精靈所居住嘅小木屋，喺指定時段仲可以與親友一起享受漫天紛飛嘅逼真飄雪效果。喺冬天與春暖中欣賞飄雪，別有一番感受！

賞螢森林
活動日期：2018年11月下旬至2019年1月1日  (逢星期一暫停開放，12月24日及31日除外) 
開放時間：中午12時至晚上9時
地點：D2 Place 二期地下The Garage  (設人數限制，每節20人)

精靈小木屋
活動日期：2018年11月下旬至2019年1月1日  (逢星期一暫停開放，12月24日及31日除外) 
開放時間：中午12時至晚上9時
D2 Place 一期天台花園 (於指定時間飄雪)
飄雪場次(設人數限制，需於商場二期辦公室大堂領取入場証入場)
免費入場証將於以下場次開始前2小時派發。每人限領一張，先到先得。
飄雪日期: 逢星期六、日及2018年12月22日至2019年1月1日
飄雪時間: 中午3時至晚上8時半 (每節25分鐘)
場次: 15:00 / 15:30 / 16:00 / 16:30 / 17:00 / 17:30 / 18:00 / 18:30 / 19:00 / 19:30 / 20:00 / 20:30