My Melody與好友報佳音 以音樂交織出五大聖誕打卡位

My Melody與好友報佳音以音樂交織出五大聖誕打卡位

| by Coco | 5 years ago

聖誕佳音年年聽，今年就有My Melody 送上皇室堡．東角LAFORET．銅鑼灣地帶． My Melody 聲夢遊樂園。My Melody與好友們包括：綿羊仔Piano、老鼠 Flat、松鼠 Risu及熊熊 Kuma齊齊換上聖誕裝，帶住自己最喜愛嘅樂器嚟到銅鑼灣，為大家彈奏暖暖窩心嘅聖誕旋律!

呢個聖誕音樂之旅將由11月18日開始，My Melody 着上經典嘅小紅帽聖誕裝率先喺【東角LAFORET．My Melody聖誕樂曲】出發，再走到【銅鑼灣地帶．My Melody聖誕弦樂團】匯合綿羊仔Piano，最後坐上My Melody 「Sing」光列車，前往皇室堡啟動【皇室堡．My Melody 聖誕聲夢小鎮】! My Melody & Friends已經準備就緒，組成弦樂隊，隨時奏出悠揚樂章，與大家歡度聖誕佳節！

仿木造型列車：My Melody 「Sing」光列車

My Melody 聖誕聲夢小鎮嘅焦點就當然係My Melody 「Sing」光列車，首次登陸香港嘅木紋火車，以蒸氣火車作藍本，配有My Melody剪影嘅車窗，而最吸引眼球嘅係結住蝴蝶結嘅經典My Melody 頭形設計嘅車頭，就好似 My Melody喺度領航咁樣，超萌！

音樂小花園　冬日綠色小舞台

My Melody習慣每天都喺小花園前練習樂器，將音樂嘅正面力量宣揚出去。今次嘅場景入面My Melody企喺小磨菇上與松鼠 Risu合力演出二重奏，一齊去到佢嘅音樂小花園，感受音樂嘅力量啦。此外，大家還仲可以欣賞My Melody 悉心料理嘅園藝，花圃內種滿閃閃燈光嘅My Melody頭形狀般嘅植物佈景迎接聖誕來臨，令人流連忘返！

巨型鋼片琴　綿羊仔Piano 譜奏新樂章

愛演奏嘅My Ｍelody，當然唔會錯過聖誕節呢個大好機會啦！佢會喺My Melody 聲夢小鎮上彈奏聖誕節嘅美妙樂章。今次仲約咗才藝非凡嘅綿羊仔Piano為大家譜出聖誕樂章，Piano更悉心為自己打扮戴上可愛應節嘅鹿角頭箍。

彩色玻璃教堂優雅中帶可愛風

聖誕聲夢小鎮嘅教堂富歐陸色彩，有如糖果一般嘅彩色玻璃門，將印象中嚴肅嘅教堂顯得平易近人，亦添上甜蜜感覺，細心一睇彩色玻璃中仲隱藏住My Melody圖案，為大家帶嚟尋寳般嘅驚喜。

聖誕消費特別賞：My Melody限定消費禮遇　

遊玩【皇室堡．東角LAFORET．銅鑼灣地帶． My Melody 聲夢遊樂園】後，相信大家仍然忘記唔到My Melody與好友們嘅細膩演奏，皇室堡、東角LAFORET及銅鑼灣地帶特意準備咗三款超萌My Melody限定聖誕禮遇，包括用膳必備嘅「My Melody 聖誕餐具『兔』裝」及「My Melody 暖 Love Love保溫袋」，加上儲物一流嘅「My Melody 聖誕『My』萌收納籃」，等大家喺屋企定街外，都與My Melody「樂」在一起。

與音樂大師見面：My Melody 見面會

My Melody音樂造詣極高，於【皇室堡．東角LAFORET．銅鑼灣地帶． My Melody 聲夢遊樂園】演奏多款樂器，令人嘆為觀止！音樂大師My Melody會喺12月1日及15日驚喜現身皇室堡，以全新聖誕造型與一眾粉絲見面，與大家抱抱影相留念！想同My Melody見面，WINDSOR CLUB會員憑800積分，即可換領見面會入場證一張。