今個冬日，齊齊「哈鹿」過聖誕！一班糊塗傻氣嘅馴鹿將會進駐太古城中心，帶大家玩轉聖誕快樂工廠，憑著滿腔熱誠同埋傻勁為大家嘅聖誕禮物默默耕耘，引發大量蝦碌笑彈。荒失失又甩轆嘅哈鹿不時會喺過程中發生小錯亂，哈鹿態度樂觀積極，凡事盡力而為，互相合作幫忙，定可順利過關歡度聖誕，輕輕鬆鬆送出簡單真摯嘅快樂，繼續 LIVE HAPPY！

商場喺 11 月 16 日至 2019 年 1 月 1 日特別打造《哈鹿聖誕》主題活動，懵懂又傻氣嘅哈鹿會喺快樂工廠唔同角落與大家見面；大家仲可以喺互動螢幕上出手幫助佢地；或去郵局填寫慢遞明信片，交由哈鹿慢步派送；快樂工廠內仲有更多嘻哈活動，全城今個聖誕輕輕鬆鬆「哈鹿」慢活，體現太古城中心「LIVE HAPPY」嘅生活理念！

快樂聖誕工廠 荒失失哈鹿娛人娛己

「糊塗鹿子大本營」嘅員工時刻密鑼緊鼓地趕製禮物，呢邊廂哈鹿忙亂為禮物分類，那邊廂無定向嘅哈鹿就趕住送出心意。甜心嘅哈鹿即使眼花又忙亂之時亦不忘娛人娛己一番，一邊拼命工作一邊輕鬆唱歌，定時定候為大家送上光影表演。一個個滿載幸福嘅願望水晶球禮物由工廠中逐一放送出來，不妨停下腳步欣賞小小心意拍照留念一番。

橫掃巨輪拯救哈鹿 親子情侶身手大比拼

快樂工廠內，機械突然發生故障，一個個荒失失巨輪滿天橫飛！糊塗傻氣嘅哈鹿需要大家幫幫忙，先可以成功趕製禮物；兩位「鹿上互衛隊」參加者只需於限時內於屏幕上以雙手保護你嘅哈鹿，無論獨自一人、家長及小童、或情侶均急需一展敏捷身手及反應，保衛小小哈鹿，確保聖誕禮物如期送上大家手上！

七彩音樂笛 奏出您們的主題曲

製造佳節嘅快樂因子當然離唔開動人嘅聖誕歌，音樂天份爆棚嘅你仲可以同哈鹿玩轉「快樂鹿音機」巨型七彩音樂笛，挑選喜愛嘅樂譜跟隨指示按下指定顏色嘅風笛管，演奏出動人樂韻，與好友們合奏獨有嘅主題曲，一同炮製聖誕快「樂」，送出悠揚樂韻！

明信片整年派送 跨時空祝福送暖

有無諗過將聖誕暖暖祝福延伸到新一年，如時光機般跨時空送上心意，等好友們喺你嘅理想月份再次感受歡樂氣氛？哈鹿郵差將於「慢慢速遞所」為您全天候服務，顧客只需要 like 太古城中心 facebook 或 instagram專頁，即可換領明信片乙張。寫上祝福語句，投進指定月份嘅郵箱，哈鹿就會喺新一年指定月份為大家送上窩心驚喜祝福，每投寄一張哈鹿明信片，太古城中心仲會捐出$1 到慈善基金「愛心聖誕大行動」！

哈鹿亂撞迎聖誕 挑戰小小任務

聖誕佳節快到，荒失失的哈鹿計錯咗數，整得太多朱古力禮物！哈鹿經理亦要落場幫忙派發俾大家！如大家巧遇經理、接過禮物再開心合照之餘不妨挑戰三個小任務：裝飾聖誕蛋糕、運送聖誕糖果及搬運禮物，好玩又刺激！

心甜禮遇賞不停 音樂盒子手作班

活動推廣期內，顧客喺太古城中心以即日電子貨幣消費滿指定金額，就可以換領Venchi 甜笑聖誕朱古力禮盒、MOViE MOViE Cityplaza「飛」常聖誕雙人獎或 agnès b.里賞法式滋味獎，一家大細共度甜蜜冬日！此外，消費滿指定金額更可參加音樂盒子手作班，製作迷你音樂盒，玩樂後回家亦可細聽聖誕樂韻。

地點：太古城中心

日期：2018年 11 月 16 日至 2019 年 1 月 1 日