瘋狂喜劇《西虹市首富》於11月22日會喺本港上映。電影喺內地錄得超過25億票房，成為本年度中國暑期檔最賣座笑片，成績驕人，亦證明這部作品非常貼地，荒誕情節反映真實國情，易生共鳴。唔好以電視存在兩地文化差異呀，因為喺香港嘅優先放映場嘅觀眾都笑到拍爛手！

戲中有《我的少女時代》台灣女星宋芸樺飾演女主角夏竹，與沈騰大演對手戲。女財務夏竹一直喺沈騰身邊跟出跟入仆心仆命，為佢嘅揮霍無度而緊張，王多魚對夏竹日久生情漸生愛意。兩人嘅對手戲超多，宋芸樺表示今次嘅合作令佢有好多意想不到嘅收穫。導演閆非、彭大魔亦一直誇讚佢係一個好演員，並指其表現非常靈動，為佢地帶嚟好多新衝擊。

《西虹市首富》這戲名背後玩味甚濃，內地稱番茄為「西紅杮」，取其諧音就變成「西虹市」。喺呢個虛構嘅國度，突然有個擔屎唔偷食嘅男主角王多魚喜獲十億元遺產，但指令要佢喺一個月內光花，否則便不能得到300億遺產。為咗得到300億遺產，王多魚搖身一變成為西虹市暴發戶，就此引出一大串笑料。同時電影亦不忘對內地社會文化冷嘲熱諷一番，更有宣傳品以「碰瓷」作背景。

戲內情節浮誇得驚人，但愈浮誇愈惹笑。講到邏輯方面，其實隨時比一般商業片更為合理。前設大膽，但之後嘅發展都係有根有據。電影看似有唔少失實嘅情節，例如王多魚嘅一眾隊友前一秒仲係對佢百般奚落，下一秒已經成為佢嘅跟班；女主角嘅男朋友前一天仲振振有詞咁宣揚「不能做金錢的奴隸」，隔日已經成為咗王多魚嘅門口狗。但細想之下就會發現情節並非離地。社會不乏見錢開眼嘅人，情節浮誇反而令觀眾得到更深切體會。