一年一度嘅聖誕節又到啦！講到聖誕，聖誕卡、聖誕樹、聖誕禮物、聖誕老人……咪先！好似差緊啲乜咁嘅？係啦！差緊隻好QQ嘅卡通人物陪你過聖誕啊！今年聖誕，SANIO家族會派出CK鼠同各位迎聖誕。

今年係華懋集團商場（希爾頓中心、好運中心、粉嶺名都商場、上水名都商場、將軍澳翩匯坊、好順福購物中心、巴黎．倫敦．紐約戲院購物中心、迎濤灣廣場、富豪花園商場及豪景花園商場）嘅20周年，由11月7號到下年1月2號，CK鼠會出現喺華懋集團商場同大家過聖誕。

# 15個check point

CK鼠同你玩遊戲迎聖誕！作為一隻好QQ嘅鼠，當然要同大家玩伏匿匿。今個聖誕，CK鼠為大家準備咗15個【「全家福．大圖鑑」集齊COROCOROKURIRIN家族圖鑑大行動】嘅check point比大家地毯式搜索，贏取豐富獎品。今年聖誕，華懋集團商場仲突登為88隻CK鼠成員度身訂造一套全新嘅聖誕造型同聖誕大屋，等佢地可以嚟到香港同大家感受聖誕氣氛之餘，仲可以比大家玩轉「鼠」宅。

# 聖誕見面會

為咗慶祝20周年，CK鼠專程由日本遠渡香港，係11月嘅25號，喺希爾頓中心同好運中心首度登場！到時，各位粉絲都可以一睹CK鼠真「鼠」，摸下CK鼠毛絨絨嘅身體，同CK鼠自拍打卡。

# 4米高巨型「奔Fun動『滾』花輪」

喺希爾頓中心入面，4米高嘅巨型「奔Fun動『滾』花輪」將會率先登場，等大家「轉」出好運。唔單止咁，一眾CK鼠成員仲起咗個冬甩池，岩哂大人同小朋友享受同一眾CK鼠成員「食」住冬甩過聖誕。

#  全新限量CK鼠聖誕造型禮品

講到聖誕，點可以缺少聖誕禮物呢？今個聖誕，CK鼠家族為大家準備咗一式三款嘅「限量COROCOROKURIRIN聖誕造型貯物袋」每個貯物袋都印有「萌」不可檔嘅聖誕造型CK鼠，等CK鼠幫你收起啲聖誕禮物佢。另外，CK鼠仲準備咗「限量COROCOROKURIRIN聖誕造型居家軟墊拖鞋」，等大家暖住過聖誕。

又有得玩又有禮物收又有得目睹真「鼠」今個聖誕，仲唔快啲約埋班朋友仔，一齊搵CK鼠同你打卡迎聖誕？

【華懋集團商場．COROCOROKURIRIN聖誕「家」年華】

地點：希爾頓中心、好運中心、粉嶺名都商場、上水名都商場、將軍澳翩匯坊、好順福購物中心、巴黎．倫敦．紐約戲院購物中心、迎濤灣廣場、富豪花園商場及豪景花園商場

日期：2018年11月7日至2019年1月2日