聖誕節就到啦，諗好去邊打卡未呀？唔想再影燈飾相嘅話，就要去荃灣千色匯、元朗千色匯及 K Plus啦！因為紅遍台灣嘅「色廊展」，會喺今個聖誕嚟到香港，以一日生活為中心而特製嘅色彩場景，熟識又有別於既有嘅想像，好玩又有趣！

荃灣千色匯、元朗千色匯及 K Plus 會喺10 月 26 日至 2019 年 1 月 2 日變身 3 個唔同嘅場景！凡消費滿指定金額，就有機會參加唔同聖誕工作坊，更可換領絲巾環保袋或多功能外置充電器，讓大家可以各「色」其「色」地享受一個彩色聖誕！

台灣橘色懷舊小食部 重拾那些年校園集體回憶 挑戰刺激 KOLOUR Challenge

搶眼嘅橘色永遠係拍照嘅絕配！荃灣千色匯特別打造充滿台灣小學色彩嘅小賣部，並以橙色為主，貨品包羅萬有，配上懷舊物品如古董電話、收音機、電風扇、秤、劍玉、泡泡水、糖果樽及波板糖等。

小賣部外嘅橘色一直伸延，仲有舊式嘅汽水盤、扭糖機，小食部嘅零食亦擺放喺呢度俾你影相。零食區背後仲設有互動拍照及拍片裝置，特定嘅相框以供大家選擇，加上自己喜愛嘅小食圖案，令相片更添趣味！

拍下相片及影片後隨即可以透過 QR Code 即時下載相片及影片分享給朋友，逢星期六及日仲可以印製相片。二樓貫徹橘色風格，並以港台兩地獨有嘅食物為題，左右兩旁分別擺放香港人熟悉嘅巨形魚蛋及龍蝦丸，你仲可以化身巨形魚蛋，「搞笑」度爆燈！至於另一邊嘅就係雞蛋仔雪糕，淨係睇都令人流哂口水啦！

中間位置有巨形台灣方便麵，你可走到方便麵內影相，效果一定好有趣！方便麵旁嘅巨型芒果飲品盒內設有過百個橙色及白色氣球，入內即置身珍珠波波夢幻隧道，化身童話中男女主角，小心影到手機記憶體爆滿呀！

為咗歡度佳節，商場特設 AR 遊戲，大玩 AR 魚蛋九宮格及 AR 拍芒果汁盒，喺限時內完成遊戲，就可以獲得商戶電子優惠券。另外，凡消費滿指定金額，就有機會換領「創意黏土雞蛋仔」工作坊入場證，製作黏土雞蛋仔。

由 11 月 4 日起每逢周日及公眾假期，荃灣千色匯特設「KOLOUR Challenge」遊戲，參加者只需穿著橙色、藍色或紫色當中一種顏色嘅服飾就可以免費參加遊戲一次，只需於限時 30 秒內喺所有色塊裡選出顏色不同嘅一塊先入到下一關。成功達到指定 Level，參加者需拍照，tag 一位朋友及加上指定 Hashtag#KOLOURcolorgallery，並上載到個人 Facebook 帳號分享活動，即可獲得禮品或“製作個人化帆布袋乙個” 機會一次，製作一份獨一無二嘅聖誕禮物！

元朗千色匯 2.5 米巨形醉人紫色畢業帽拍出有趣縮水畢業照
元朗千色匯化身成紫色嘅畢業典禮，最矚目搶眼嘅巨型畢業帽及畢業證書就喺眼前，你可以走到約高2.5 米高嘅巨形四方帽及畢業證書旁猶如置身小人國一樣拍攝有趣縮水畢業照，一嘗不一樣嘅畢業滋味！

另外，影咗相之後上載到個人 Facebook 並加上 hashtag #KOLOURcolorgallery，仲可得到精美禮品及於指定店舖享有商戶優惠。凡消費滿指定金額，即可參加「電路板發光聖誕卡」工作坊，由導師教大家以電製作發光聖誕樹！為咗令大家投入呢個色彩國度，商場 2 樓特設「自助禮襪機」，只要消費滿指定金額，即可換領代幣乙個，於禮襪機內嘅 6 款顏色中揀選自己喜愛嘅襪子，配襯出街過返個繽紛聖誕！

潛入 K Plus 藍色海洋水族館 與台灣「國寶魚」漫步海底世界

嚟到元朗千色匯嘅延伸部份 K Plus，就以藍色海洋水族館為題帶你走入水底世界，只需行到中央，多層視覺效果結合燈光設計令你恍如置身海洋世界，俾水母、珊瑚及小魚兒包圍著，唔好錯過台灣獨有嘅魚品種「櫻花鉤吻鮭」，佢係唯一棲息喺亞熱帶地區嘅鮭魚，呢個品種可追溯到史前時代，既稀有且瀕臨絕種，所以有「國寶魚」之美譽，更係難得一見嘅海洋寶藏，大家可以深入水底世界影相留念！

商場亦設自助繽紛汽球機，凡消費滿指定金額，就可以換領代幣乙個，喺汽球機內揀選自己心儀嘅氣球顏色，陪你過一個色彩繽紛嘅聖誕節！另外，只要喺場內裝置拍下照片後上載至個人 Facebook，並加上 hashtag #KPlus 及 #KOLOURcolorgallery，即可得到精美禮品及於指定店舖享有商戶優惠。

換領 KOLOUR 及 K Plus 聖誕限量禮品

顧客於 10 月 26 日起喺荃灣千色匯、元朗千色匯或 K Plus 內以電子貨幣消費滿港幣$800 或以上，即可換領「絲巾環保袋」乙個；於 11 月 26 日起消費滿港幣$800 或以上，即可換領「多功能外置充電器」乙個。 *所有禮品數量有限，先到先得，換完即止。

地點：荃灣千色匯、元朗千色匯及 K Plus

日期：2018年10 月 26 日至 2019 年 1 月 2 日