嚟自天神村嘅天才科學家則卷千平「IQ博士」，今個聖誕，創作力量同幻想再創高峰！一向喜歡研發新奇趣怪發明嘅則卷千平博士，首度聯同珍寶珠推出極罕限定聯乘實驗！

新鴻基地產旗下將軍澳旗艦商場東港城，以及葵興life@KCC，今年聖誕為大家帶來合共佔地逾5,500呎、全球首度聯乘嘅「IQ博士x珍寶珠聖誕嘉年華」，誓必成為今個聖誕最Instagrammable嘅打卡聖地！則卷千平博士以珍寶珠將天神村變成奪目繽紛嘅聖誕嘉年華，為村民研製出一系列聖誕重頭節目。

一眾天神村嘅朋友，包括小雲、小吉、傻瓜超人、粉紅屎屎、草菇小姐等，合力將嘉年華分別進駐將軍澳東港城及葵興life@KCC。盞鬼嘅則卷千平博士為咗製造一浪接一浪嘅聖誕驚喜，特意委派力大無窮嘅小雲率領大隊先將反斗馬戲團運抵life@KCC，再將嘉年華嘅夢幻熱點壓軸送抵東港城，俾粉絲分階段感受自己最新嘅實驗成果！

11月上旬起，東港城及life@KCC呈獻「IQ博士x珍寶珠聖誕嘉年華」專車更遊走於香港各大旺區，大派鮮艷奪目嘅汽球，全城迎接則卷千平博士嘅最新研發送抵香港！

11月16日至明年1月6日，精力十足嘅小雲將率先領軍，為大家帶來「life@KCC‧IQ博士x 珍寶珠　反斗馬戲團」，喺場內上演連場不可錯過嘅精彩馬戲團戲碼！小雲將喺life@KCC化身迴旋高手，與牛奶糖4號喺迴旋木馬上表演360度不停旋轉；小吉更會由歡樂砲飛出，為大家送上連環開心嘅轟炸！

想在聖誕節開心到飛起？小吉更會帶你去到4米高嘅熱氣球內，體驗難得一遇嘅高空聖誕好玩之旅！大家更可化身成為馬戲團嘅一分子，變身為電擊高手，喺電擊遊戲中同佢地一較高下！

壓軸登場嘅「東港城‧IQ博士x珍寶珠夢幻嘉年華」，由則卷千平博士化身聖誕老人直送東港城，向東港城大派聖誕禮物。嘉年華由12月4日至27日期間全面開放，屆時一眾天神村嘅朋友將會喺場內歡迎大家，與粉絲們暢玩嘉年華內嘅各個夢幻打卡熱點，包括6米高Chupa Chups x DR SLUMP ARALE小雲珍寶珠噴泉、草菇小姐旋轉摩天輪、宇宙大王工作車、4米高則卷千平珍寶珠聖誕樹、傻瓜超人巨型珍寶珠扭蛋機，讓大家樂而忘返！一眾天神村好友更會化身成為歡樂大使，準備與大家一邊食珍寶珠，一邊玩轉聖誕。

美夢如炸彈，開心的轟炸！IQ博士首度聯同珍寶珠推出的「IQ博士x珍寶珠聖誕嘉年華」，分為兩大站！IQ博士集合「夢幻」與「嘉年華」兩大元素，帶來「東港城‧IQ博士x珍寶珠夢幻嘉年華」，打造5大夢幻打卡熱點！一眾天神村嘅朋友會換上聖誕節裝扮，準備同大家喺嘉年華中大玩特玩，盡情投入IQ博士最新打造嘅玩樂世界，呃盡大家每一個like！

「東港城‧IQ博士 x 珍寶珠夢幻嘉年華」

日期：12月4日至12月27日

時間：10am – 10pm

地點：東港城1樓中庭 (港鐵坑口站A1出口)

「life@KCC‧IQ博士x 珍寶珠反斗馬戲團」

日期：即日起至明年1月6日

時間：10am – 10pm

地點：

life@KCC 三樓 及 joy@KCC 二樓中庭(地址︰葵涌葵昌路72至76號) (葵興港鐵站E出口直達)