男人既心中總有個小朋友既靈魂，雖然外表堅毅，面對困難都唔輕易吐露自己既辛酸，但係每個人都有脆弱既一面，男人更加係，即使佢地唔講，心中總會默默希望係生活中能滿足呢啲渴求。以下呢四點，作為女朋友就要留意啦！

男人總需要別人既認同

男人係種自尊心好高既生物，佢地希望透過自己既外表、表現展示自己既男性魅力，更希望人地能夠認同佢既想法同做法。就好似男人最鍾意講夢想同未來，就係希望有人能認同佢地既想法，就算男友講既夢想好誇大好不切實際，都唔好用太嚴厲既方式拒絕，或者抨擊佢，咁樣好容易傷害到男友既自尊心，即使唔認同，都應該用更好既方式討論。

男人再堅強都需要一個肩膀

每個人都會難過同脆弱，男人係生活受到既刺激都唔比女人少，但係男人大多習慣借出肩膀但係鮮少訴苦。呢個時候如果女友能夠察覺到，並且給予一點鼓勵同溫暖，呢個時候你反而可以睇到另一面既佢，一個更加真性情既佢。

對男生請寬容啲

男人好似大細路，看似成熟但有時候好幼稚，呢個社會往往對於男生過於嚴格，有時候係生活中難免犯點小錯，只要無傷大雅，請對男人寬容啲啦！

體諒彼此生活既不同

每個人既家庭環境不同生活習慣、待人處事有好多既不同，一個好既另一半一定要懂得體諒對方。感情中一定會有一方比較強勢，由一人主導關係，無論係男定係女，常常幫對方諗下，而唔係一直要對方配合，當能互相體諒後先可以令感情更久遠。