踏入10月，終於到品嚐大閘蟹既季節啦，連續2年推出意式大閘蟹Tasting Menu而且大受歡迎既Involtini Italian Cuisine將繼續提供大閘蟹既Tasting Menu，今年更係全新設計，令顧客能同時獲得視覺及味覺上既享受。大閘蟹Tasting Menu將10月5日(星期5)開始供應，密切留意啦!

今年的北海道石狩村大閘蟹Tasting Menu共有7道菜色，用了最少兩隻大閘蟹作為材料，每位HK$788(+10% 服務費)，包括：

餐前小點：真係番茄？

外形一看就好似剝左皮的番茄，其實係用咸香的鹽漬鱈魚配上新鮮魚肉作為餡料，外層以番茄鯷魚汁做成番茄的形狀，味道酸甜開胃，充滿驚喜。

頭盤：沙灘上的貝類

呢個菜色係模仿沙灘上貝殼類等動物遍佈既環境。

左 - 脆脆既小薄餅配以大閘蟹蟹膏及三魚子籽，兩者濃郁的味道同時在口中爆發，互相輝映。

中 - 藜麥蟶子殼配燒日本魷魚及焦糖洋蔥，味道酸甜，藜麥蟶子殼的脆配合魷魚及洋蔥的軟，口感豐富。

右 - 日本炸澤蟹

第二度："燒賣"?

用小意麵卷做成燒賣的外觀並以中式蒸籠盛載，配以鱸魚、咸香的意大利風乾豬面肉、大閘蟹蟹膏，充滿玩味。

第三度：鮮香煎海蝦意大利飯配瑤柱 香濃蟹湯

使用濃郁海鮮湯及海蝦煮成既意大利飯，將意大利飯兩面用低溫烘烤至煲仔飯咁鬆脆飯焦，享受完飯焦後可加入用昆布、鰹魚、花蟹及大閘蟹淆成的極鮮甜濃湯，物盡其用之餘，一道菜色，兩種食法! 過去不少客人更要求加湯，證明湯底極具吸引力。

Pasta：手做墨汁意大利麵配 大閘蟹蟹膏 鹹蛋黃海鮮汁

極邪惡既菜色，不過一年只有數月可品嚐大閘蟹，不妨放縱一下！麵底既醬汁是由咸蛋和自家製海鮮湯煮成，咸蛋能進一步提升大閘蟹蟹膏芳香的味道。而意大利乾魚春配蟹膏亦能帶俾你意想不到既驚喜。

Pizza：自家製大閘蟹蟹膏米小Pizza配本地新鮮食用花

將飯煎香作為餅底，鋪滿香濃的大閘蟹蟹膏，啖啖都是享受，再配上本地新鮮食用花，加強味道的層次。

最後配上西西里檸檬紅酒梨撻配意式薑味雪糕及花蜜檸檬薑茶，為大閘蟹宴驅寒解毒之外更帶來清新的結尾。

Involtini Italian Cuisine

營業時間: 11:30-15:00; 18:00-22:30(星期一至日)

地址: 銅鑼灣駱克道459-461號The L. Square 11樓全層