位於台場既DiverCity Tokyo Plaza依家進行緊開業以來第一次既大規模翻新工程，當中新進駐既品牌及經翻新既店舖多達48間，並會於11月2日起陸續開幕以全迎姿態示人!翻新後既DiverCity Tokyo Plaza，不但店舖種類變得更多元化，仲緊貼時下潮流加強了商場既玩樂體驗元素，全因日本首個乘坐型VR機動遊戲「hexaRide」即將登陸! 玩家好似坐緊「空間轉移裝置」，於由6個主軸組合而成既平台中體驗虛擬世界的緊張刺激，鍾意VR既朋友絕對唔會失望! 另外，DiverCity Tokyo Plaza同日本全國多個MITSUI OUTLET PARK都係國慶節期間推出多項優惠吸引遊客消費。大家可盡情大買特買!

48間新進駐品牌及經翻新的店舖當中，有12間店舖首次於東京開店，包括著名時裝品牌「Hollister & Gilly Hicks」、「CRAY TOKYO」、酒吧「大八」、親子丼專門店「親子丼TORIKAI EXPRESS」等，為DiverCity Tokyo Plaza帶來更多變、更新鮮的店舖組合。另外，將有更多世界級品牌加盟，如「kate spade new york」、「FURLA」、「PANDORA」、「PLST」、「Charles & Keith」、「Timberland」等，壯大DiverCity Tokyo Plaza的品牌版圖! 既有品牌「MICHAEL KORS」、「See By Chloé」、「A|X ARMANI EXCHANGE」、「Dr.Martens」等亦會全面翻新，為店舖換上一番新氣象!

其中最矚目既當然係首次空降日本的「hexaRide」!佢係世界上首個被開發既VR機動遊戲，其以6軸組成既平台可以製造無可比擬既逼真臨場感，係帶領玩家進入如幻似真既虛擬世界既「空間轉移裝置」，保證各位「VR迷」必定一試難忘!

玩樂過後又點少得一個「醫肚」既地方? 其實除左店舖以外，美食廣場「Tokyo Gourmet Stadium」亦會以新姿態與大家見面! 不但座位數目會增至800個，亦會增設小童專用區及活用大型螢幕的活動空間，方便客人可在此休息並放鬆身心! 同時，美食廣場亦有6間新餐廳進駐，包括美味築地海鮮丼名店「築地虎杖 〆虎」及棉花糖雪糕名店「DECORA CREAMERY」等，叫人垂涎三尺!另外，「RESTAURANT ZONE」方面亦有6間新餐廳開幕，其中就是首次於東京開店的美式中菜館「PANDA EXPRESS」、漢堡包店「Carl's Jr.®」及Café Style的手作料理店「おぼんdeごはん(Obon de Gohan)」。