逃出香港去旅行當然開心，但係最重要都係同邊個去。如果同岩既旅伴去，可以令成個旅程更開心！萬一同錯既旅伴去，咁就可能成個旅程都一肚氣。所以旅伴係超級重要，睇下邊4個星座係天生既最佳旅伴，同佢地一齊去旅行就最好啦！

1. 射手座

射手座出名好奇、熱情和有幽默感。所以同佢地一齊旅行，一定充滿趣味。佢地亦很樂意接受新的事物，如果係佢第一次去既城市，佢會覺得每件事都好新鮮，所以安排行程十分容易，你想去邊就去邊！

2. 雙子座

雙子座最大既優點係適應能力強，有時候旅行時會遇到一些阻滯，例如天氣差或者住宿的品質無想像中咁好。如果其他星座既人遇到呢啲事，通常會好炆，甚至發脾氣。但雙子座可以好快就適應新既環境和改變，並調整自己既心情，令旅行更加開心！

3. 金牛座

我地最希望旅伴係個值得信任的人，除左佢會記得帶齊旅行所需的物品外，更希望旅行中如果有咩問題，可以相互扶持。金牛座就係好有責任同交帶既人，同佢地去旅行一定可以放心！

4. 天秤座

天秤座性格好和平又善於社交，同佢地去旅行，你會覺得好舒服。因為佢地會帶起話題，亦知道幾時需要彼此安靜。而且佢地和平既性格令佢地唔想起衝突或帶來消極情緒。所以同佢地一齊去旅行，就唔怕有爭執啦！