肌膚係唔同嘅季節要面對需要，補濕固然係一年365日必然嘅護膚基本功，但係香港嘅夏天又焗又潮濕，如果用濃稠豐潤嘅乳霜會加重肌膚負擔，所以夏日就應該使用gel狀補濕產品啦。然而補濕gel大多都注重於質感清爽易於吸收，但係補濕效果唔夠持久。因此，質感係乳液同啫喱之間、兼顧清爽舒適同恰到好處滋潤度嘅gel cream順理成章成為夏天最受歡迎補濕產品之一。以下推介三款清爽又滋潤的優質gel cream，不但各具優點，只要動動腦筋，它們更可以一物多用。
1. LANEIGE Water Bank Gel Cream $270/50ml
All Photo Via AMORE PACIFIC
溝粉底增補濕度
唔少知名化妝師都介紹過用保濕 gel或gel cream溝粉底，妝效會更貼更薄，仲可以增強粉底液嘅補濕效果。LANEIGE呢支Water Bank Gel Cream質感清爽不粘膩，半透明啫喱狀水分面霜適合油性及中性皮膚使用，不但適合混合粉底使用，其清涼的質感亦可紓緩乾燥而疲憊嘅肌膚。
2. Sulwhasoo Hydro-Aid Moisturizing Soothing Cream $580/ 50ml
曬後厚敷即紓緩
夏天一到，好多人都會好似小編咁出去曬下太陽，感受夏日氣色，不論你想唔想曬出一身古銅色肌膚，肌膚長期曝露係陽光下水份會流失得好快、好易曬傷。想急救曬後肌膚水分流失的問題，可選擇厚敷雪花秀嘅Hydro-Aid Moisturizing Soothing Cream，佢質感輕盈細膩，樺樹精華成分能有鎮靜舒緩的功效，迅速滲入肌膚補充水份同時築起屏障，加上陣陣柑橘與草藥香味，讓肌膚與身心得以放鬆。
3. AMOREPACIFIC TIME RESPONSE Skin Renewal Gel Creme $3,000 / 50ml
緊急修護防脫皮
AMOREPACIFIC的TIME RESPONSE Skin Renewal Gel Creme特別加入Advanced TIME RESPONSE Complex™，輕盈清新的啫喱面霜滋潤而不黏膩，為肌膚深層灌注滋養，特別適合夏天及中至油性肌膚使用。仲有旅行裝午你隨身帶備、隨時使用。好多女仔都會有倒刺嘅問題，雙手嘅美感與質感大打折扣。千祈唔好用手撕倒刺啊，不妨以棉花棒沾取gel cream，重點塗抹係倒刺上，輕輕按摩以令肌膚慢慢吸收，就算係曬傷甩皮都可以用佢架，可以重點紓緩乾燥不適。
