一年最開心嘅時間就莫過於係去旅行，但喺去旅行前有極多野要準備，揀目的地啦，訂機票酒店，規劃行程，最重要嘅就係諗約邊個做你嘅旅伴！因為雙方嘅喜好同旅行模式好唔一樣嘅時候，就會造成磨擦，自然成個旅程都唔會去得開心。想知道自己應該揾邊個一齊去旅行？咁就不如按十二星嘅特質，揀返個合拍嘅旅伴啦！

白羊座 x 射手座

呢個絕對係活力四射嘅組合，白羊座活潑好動，而射手座就喜歡追求新奇事物，所以兩個星座都結伴到探索就啱哂啦！由於佢地都係行動派，比較喜歡隨心所欲想去邊就去邊。即使係旅途中遇到咩困難，樂觀嘅佢地亦係會認為可以大事化小，唔會擔心出現問題。
 
金牛座 x 處女座

呢個組合絕對係為享受高品質假期而設。金牛座穩重踏實，所以佢最啱就係做旅遊預算，啲錢銀野交俾佢睇就啱哂啦！而處女座細心謹慎，相當重視旅遊品質，最啱負責策劃行程。佢地嘅合作絕對可以炮製出完美嘅度假之旅。
 
雙子座 x 獅子座

雙子座喜愛新鮮刺激，最怕就係枯燥乏味，而獅子座性格熱情，而且敢想敢做！呢個組合好適合一齊去到處探險，夾埋一齊去自由行就啱哂啦！同樣愛冒險嘅兩人仲可以還能創造出獨一無二嘅個性旅行。
 
巨蟹座x 水瓶座

巨蟹座雖然鐘意做足準備去旅行，但內心其實係想要嚟一場冒險。而討厭隨波逐流嘅水瓶座就最鐘意去偏門地方尋求新鮮感，所以巨蟹座就可以借與水瓶座出遊，跳出自己嘅舒適圈。