美食博覽開始啦！今年第29屆美食博覽將由即日起16日至20日係香港會議展覽中心舉行，超過1,500個參展商參與，為大家帶來各式各樣嘅美食同優惠～

會場分為「貿易館」、「尊貴美食區」同「公眾館」3大區。為期五天嘅「公眾館」雲集超過30個知名飲食品牌，仲可以試勻日本、韓國、加拿大等唔同地區嘅美食同特色飲品。一於跟住小編試下以下幾間美食展必到既檔攤啦！

＃$20 9重海鮮杯　（陳記點心 攤位：1A-E28）
有齊皇牌燒賣、炸魚蛋、章魚燒、墨魚燒同特濃香菇燒，仲可以配5款秘製醬汁，酸香鮮辣濃總有一款你岩！小編最喜歡就係牛肝雜菌汁，非常惹味～

＃碟豆紫醋、斑蘭蹤影$30 （ Vinegar Bar　攤位：1C-A10）

以招牌果醋調，整成兩款Mocktail，打嚟打卡流，而且酸味味好醒神！購買任一Mocktail，仲可以獲得$25現金券。蝶豆紫醋味道清新，而且仲有淡淡嘅青瓜味，超Fresh！

＃牛骨濃汁牛丸$20/碗　（振興肉丸　攤位：1A-C05）

係大埔名物嘅手打肉丸！小編好耐之前就聽過佢個名，今日終於可以試到。攤位售賣主打的濃汁牛丸、貢丸，仲可以配埋蝦子麵添。牛丸爽口彈口，一試忘難！

＃黑松露生煎包$20/隻(2隻起)（義生洋行 X 祥興記 　攤位3B-B10）

相信大家都知祥興記有幾好食，今次仲有加入埋黑松露，生煎包皮薄餡靚仲好多汁！除左黑松露生煎包($20/隻)，係現場人手包。同場仲有芝士鍋貼、黑松露鍋貼($15/隻)。啲汁一咬就爆曬出嚟，食個陣記得咬左一小啖先冇事喇！

＃素豬肉煎餃 $28/4隻　（Green Monday　攤位：3B-D12）

這攤位就會供應以素豬肉做嘅餃子，口感同味道絕對同真豬肉有得揮。而且仲有多款最新素食供應，好似素蛋、素漢堡扒等～其實食素都可以好潮。

#法國玫瑰($78)＆東之蕎麥茶($108)（東の茶　攤位3B-F10）

食完咁多好野當然要嘆返杯杯茶，法國玫瑰($78)有養顏潤膚功效，而蕎麥茶($108)口感甘香，營養豐富。仲有岩曬黎緊中秋節嘅全素黑松露伍仁月($248)添，食多幾舊都唔會內疚喇！

2018 美食博覽
日期：2018年8月16至20日
時間：8月16至19日　10am - 10pm；8月20日　10am - 6pm
地址：香港會議展覽中心

票價：$25、$40（連尊貴美食區）
套票於指定7-11、OK便利店、快達票售票網、Tap & Go「拍住賞」手機錢包、八達通App （八達通卡或O! ePay）及現場有售。