最近日本興起咗手拿「透明 IG 照」影相嘅風潮，成個instagram都俾「#instainmyhand」、「#instagraminmyhand」兩個hastag洗哂版。驟眼望過去就好似嚟到高科技時代咁樣，可以將instagram掌握喺自己嘅手中，睇落既新潮又美觀。

要追上潮流，就當然係要為自己製作一幅啦！唔好以為呢啲透明照片要用專業軟件，或者係有高超PS技術先可以做到，其實只要用一個簡單嘅App就可以咖啦！

PicsArt係一款免費App，喺開始使用前係需要註冊嘅，不過所有功能都係可以免費盡情使用咖，所以大家可以放心。當中含有多達3000幾種P圖功能同埋特效，合成照片一啲難度都無！

Step 1: 拍照＆截圖
首先就要為自己拍攝一張手部照，例如手握，又或者係捏住照片嘅姿勢，背景就可以揀返啲自己鐘意嘅地方，藍天白雲做背景都係唔錯嘅選擇！另外就可以揀返想喺照片中出現嘅截圖畫面。

Step 2: 編輯圖片
喺APP頁面底部嘅中間位置選擇「＋」→「編輯」嚟製作新相片，選擇先前拍攝好嘅「手部姿勢照」，就會走返去編輯主操作頁面，你可以用App中嘅工具去調整相片，例如係亮度同對比度，直至滿意。

Step 3: 添加截圖照片
而家係就可以喺功能列表選擇「添加照片」，選擇揀咗嘅截圖，利用「旋轉角度」同埋「放大」功能，就可以將佢放到手中，再調較圖片嘅透明度至半透明狀態，呢個時候你嘅相片已經完成啦。當然，你仲可以加上貼圖同文字，增加美感。

大家一齊試下製作啦！