幾時都話去旅行同邊個去好重要，最開心就梗係同你身邊嘅好朋友一齊去啦。但唔好咁開心住，因為呢場旅行會成為你地所面臨嘅最大考驗之一，可能平時相處非常合拍，但透過旅行間嘅無間斷長時間相處，摩擦亦隨之而生。一個好旅伴可遇不可求，如果陪你去旅行嘅人有以下特質就要好好咁珍惜佢啦。

#肯一齊諗行程

去旅行總係會有一堆人只係等出發，唔會事前做定資料搜集。得返自己一個人諗行程其實好慘，唔單只要幫手睇埋交通安排，仲要安排好住宿，最怕就係會出錯搞到大家唔滿意。如果佢肯同你一齊分擔重擔就無咁大壓力啦。

#唔會無啦啦黑面
旅行就係求開心，但係唔知點解身邊總係有人會無啦啦就黑面起嚟，問佢發生咩事佢又成隻蚌咁唔肯講，真係好掃興。有個好旅伴就可以成個旅程都保持愉快氣氛，隨時隨地同佢分享旅途中嘅開懷事。

#準時起身

呢一點真係好重要！尤其是係當你嘅行程當中安排咗要朝早趕車，有個唔願起身嘅旅伴你唔使皆意會上到車，咁樣拖一拖就好容易破壞咗計劃好嘅行程。曾經有朋友為咗等佢旅伴起身而化多陣妝，但估唔到佢旅伴起咗身之後，反指佢化太耐妝拖後出門時間，除咗反白眼都唔知俾咩反應好。

#唔嫌行得多

旅行就當然會希望可以把握時間到訪當地嘅特色景點，行得多就少不免咖啦。但總係有旅伴啱啱開始行就已經覺得攰，一齊揾個地方食野同休息完就諗住再行啦，但佢就直接同你講想返酒店，最後就得返你一個人行。如果旅伴肯全程陪你一齊行街，呢場旅行就完美啦。