最近香港又一次掀起奶茶風潮，小編都忍唔住不斷排排排飲飲飲，有咩比得上係大熱天時下啜一口珍奶呢？其實奶茶仲係彩妝關鍵字，想做優雅女生，只要好好甘掌握奶茶色妝容，就可以化出無敵優雅氣質。

奶茶色介乎係裸色和啡色之間，比裸色更平易近人、又無啡色嘅厚重感，非常適合黃皮膚嘅我地，可以展現出優雅幹練嘅氣質，妝感若有似無，係女孩化妝袋入面必備嘅色系，日日都可以做個優雅女生！

#眼妝

直接上單層眼影簡單清淡，疊多一層深奶茶色眼影，簡簡單單再搽一層睫毛膏同畫上一條乾淨嘅眼線就已經好好睇。

想好似Pony甘打做精緻妝感，秘訣就係用奶茶色眼影暈染下眼尾，放大眼睛又唔會覺得污糟。

小編最愛嘅BlingBling係奶茶色系之下都顯得好優雅，唔需要粗眼線、濃睫毛都好好睇，日常用都唔會有問題。

怕唔識得搭配嘅可以入手呢種配好嘅眼影盤，仲可以畫埋眉，超方便！

#胭脂/修容

想要做一個優雅女生，放低手上嘅紅色胭脂啦！淡茶色帶粉嘅胭脂令妝感更自然有氣質，仲好適合亞洲人嘅黃皮膚，好多品牌都出咗奶茶粉胭脂，你都唔好錯過啦！

修容更加要揀奶茶色，打陰影最怕就係2條深啡色係臉上，奶茶色系可以打造自然立體嘅效果。

奶茶色嘅妝感非常自然，就算係淺髮色都可以Hold得住。聽日開始就用奶茶色打做你嘅仙氣優雅妝容啦！