今個夏天電競熱潮依然蓄勢待發，就連全城哄動嘅電競音樂節都係8月開鑼。依加係希慎廣場就可以試玩3款VR遊戲。包括講求節奏感嘅「動感節拍決戰」、疑幻似真又驚險嘅「步步驚心」同埋講求速度同刺感嘅「一拳成名」，如果遊戲玩得夠分夠勁，分分鐘贏走獎品添～！

「動感節拍決戰」（希慎廣場1樓中庭）

呢個遊戲非常講求節奏感，需要跟住音樂拍子，然後擊落從四方八面來襲嘅「紅」、「藍」能量球！除咗可以單人挑戰，仲可以雙人對決架。

「步步驚心」（希慎廣場地下啟超道口入）

企係搖搖欲墜嘅虛擬吊橋上，絕對係考驗玩家嘅個人膽識同身手，除咗行吊橋之後仲要完成任務，真係難關重重！參加者完成遊戲仲有機會得到Starbucks買一送一優惠券呀。

「一拳成名」（利舞臺地面入口）

如果你自問夠曬敏捷就岩喇，需要跟隨音樂同畫面準確咁打出直拳、左勾拳或者右勾拳等等。有時仲要避開障礙物添。

大家只需要下載Lee Gardens手機應用程式並成為會員就可以免費玩「步步驚心」同「一拳成名」，大會仲會送Starbucks買一送一優惠劵一張添。至於「動感節拍決戰」係利園區消費HKD$300就可以得到遊戲券乙張。

玩「動感節拍決戰」達到指定分數嘅參加者仲可以免費得到百味堂原味牛奶雪糕添～真係夠曬吸引。

活動資訊

開放日期 2018年8月9日 - 26日

地點 銅鑼灣軒尼詩道500號希慎廣場