雖然呢幾年新興咗好多新式街市，但小編對舊街市嘅熟食檔真係情有獨鍾。差唔多每一個大街市都有街坊先識去嘅熟食檔，今次我地就黎到上水石湖墟街市，入面有一間城記飯店，好多人都會黎食點心架！
我地下晝2點幾入去，好多點心都賣晒，好彩仲有小編最鐘意嘅蝦餃，仲叫咗個腐皮卷同雞肉粉皮，因為怕唔夠飽，我地仲叫咗個北菇雞盅飯。
佢嘅點心真係好好食，其實出面已經好少地方賣雞肉粉皮，其實即係雞肉腸粉，腸粉皮唔算好薄，但入面好多餡，真係唔錯架！
腐皮卷同蝦餃同樣都好多餡，味道都好好，但價錢比一般茶樓更平，街市價真係開心好多。
今次最好食就係呢盅北菇雞飯，不幸地佢冇咗粒菇，但佢呢個雞飯真係好好食，同出面連錯中式點心店嘅好大分別，呢啲先係細個食盅飯嘅味道啊！
係度食點心仲有一個好處，就係你可以選擇唔嗌茶位，變相性價比又高咗。今次我地就另外叫咗凍檸樂，出面熱辣辣飲返杯檸樂真係嘆喇！
所以話，識食一定係去街市食，你地附近嘅街市又有冇好味推薦呢？記住同小編分享留言比我啊！
Tags: 窮人食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
This Week's Top Post
7月25日是日式刨冰の日！妳知道日式刨冰、韓式刨冰跟台式刨冰的分別在哪嗎？
Angela - 6 years ago
Ice Cream、Gelato 和 Sorbet 有什麼分別？搞懂了其實減肥吃一點也無大礙
Y小編 - 6 years ago
黃大仙神級花生醬蒸餃 沙縣小吃
Y小編 - 6 years ago
全新雀巢ACTI-V即食穀物乳酪系列 纖食健康新享受
Little Peach - 5 years ago
窮人食家 J.CO 好吃不貴的冬甩Cafe
Y小編 - 7 years ago
每日現場烘烤、限量出爐！ 「八月堂」進駐AEON STYLE
Yung - 6 years ago
