深圳人真係將Cafe裝修玩到出神入化，大熱網紅店IH Cafe最近係福田開咗新分店，同之前2間少女風唔同，今次大玩摩洛哥風，吸引大批老中青少女去影相！
呢間新開嘅IH Cafe有多個主題場景，最最最出名就係佢花園入面嘅水池，大家都係度扮出國渡假，水池係細咗少少，但係池邊一坐影出黎真係呃到人架！
係出面拍到熱一熱就可以入返黎，呢度仲有白、紅、綠色佈景嘅房間，亦都有大理可紋同異國風地磚比大家影相。
另一個最多人影嘅地方就係呢度，巨型水晶燈，白色嘅房間以黑、金點綴，真係超貴氣，真係唔知店主係點樣諗呢個華麗又奇幻嘅埸景出黎。
食物方面，點餐嘅時候佢會叫你係IPad上面睇咗啲飲品嘅樣，呢個服務真係好貼心！其實杯杯都好靚，不過味道就真係唔係好值，但其實黎得都志不在飲品啦！
雖然飲品唔算好出色，但佢嘅士多啤梨蛋糕真係唔錯架，店員同我地講每款蛋糕每日只係整40個，大家不妨一試。
營業時間：11點到晚上10點
地址：深圳市福田區梅林街道凱豐路28號富國工業區1棟1樓
地鐵：上梅林A出口約10分鐘(小編建議搭的士，都幾難搵)
Tags: 紅蜜遊樂團
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
