呢個8月嘅天氣變幻莫測,忽然晴天又可以突然落大雨,真係天文台搞佢唔掂呀!係喎,其實除左睇天文台預測氣溫之外,仲有冇其他方法可以知道天氣嘅變化呢?今次小編就向Dotted Collective創辦人之一嘅技安拜師學藝,跟住佢地整天氣預測瓶。
天氣瓶到底係乜?其實係一種係歐洲18世紀~19世紀時會用嘅天氣預報工具,裝入幾種化學物質組成嘅神秘透明溶液。根據外界溫度、天氣嘅改變,從而展現晶體型態萬千嘅美麗變化。如果你充滿好奇心,可能你一早已經Google 咗天氣瓶要點整,然後就會問點解自已整唔得?(如果有G6PD,又稱蠶豆症,就最好參加其他種類嘅工作坊,因為天氣瓶所用到嘅材料樟腦,會對蠶豆症患者造成嚴重急性反應,甚至有致命危險架!)
坊間雖然流傳咗好多天氣瓶嘅製作方法,不過好多時都係基於外國嘅天氣而調配,所以要整一個成功嘅天氣瓶其實唔容易,技安同佢嘅拍檔經過多次嘅實驗終於搵到一條配方係最適合香港天氣。
小編一路跟技安學整天氣瓶嘅期間,因為三種溶液都係透明,一個唔留神就撈亂咗材料同比例。不過大家可以放心,技安都好明白我地啲女仔掛住打卡嘅心態(天氣瓶咁靚唔係唔打卡呀嘛?),所以就算一時失手都會即刻再準備另一份材料,務求令大家都可以拎到個靚靚天氣瓶返屋企!
雖然依加有天文台,睇天氣唔就再靠天氣瓶,不過天氣瓶隨著外界溫度展現出多變嘅晶體變化,仍然可以當作美麗嘅飾物架,所以Dotted Collective亦有設計三款天氣瓶嘅頸鏈,戴出街都無問題。
呢個Studio唔止可以學習天氣瓶,亦有其他類型嘅工作坊,就算係係近期大熱嘅宇宙星空小夜燈工作坊、彩色立體鑲嵌玻璃工作坊之外,連書法、篆刻班都有!
Dotted Collective
E-mail : play@dotted.hk
Call/ wtsapp :6078 4489 (Kion)
天氣預測瓶班
製作時間 : 1 小時
費用 : $280 / pax
宇宙星空小夜燈工作坊
製作時間 : 1 小時
費用 : $420 / pax
彩色立體鑲嵌玻璃工作坊
製作時間 : 3 小時
費用 : $720 / 3小時