送花唔一定要係情人節先可以送嘅！除咗買傳統嘅鮮花花束送俾另一半之外，有冇諗過送一份可以將心意保存耐啲嘅禮物俾女朋友？因為我諗每個女仔都鐘意又靚好看嘅事物，而花就是其中一樣象徵美麗嘅代名詞。但雖然絢麗多彩，但亦有凋謝嘅一天，如果要將花永遠保存係最美嘅一刻，除咗製成永生花之外，原來仲可以將佢裝入樽裡面架。
今次Homita就帶大家走入黃竹坑，尋找一個教你製作浮游花瓶嘅工作室，係呢到絕對可以滿足到你同女朋友嘅慾望...因為所有作品都太靚，而且Janice仲係前Agnes b. 花店嘅營運總監，係2017年終於自立門戶開設花店同工作室 Flower Journey，相信呢位花藝師絕對夠資格！
其實浮游花瓶係源自日本嘅乾燥花藝術，啲花就好似海中漂流嘅小精靈，忽然令小編聯想起被日本人稱為「冰之精靈」嘅海洋生物「海天使」，同樣都係有透明嘅感覺超可愛呀。將唔同類種嘅乾花花材放入裝有特殊調配保存液嘅玻璃樽內，花材就會浮游係水中，Janice指呢類浮游花瓶大約可以保存1-2年添！
如果你覺得浮游花瓶太低調，亦都可以試下整香薰石配保鮮花擺設架！其實小編一入到Janice嘅工作室已經被佢嘅香薰石深深吸引，原來Janice特登遠洋去日本拜師學藝，更成為日本AFS係香港首位認可導師，參加Jancie嘅浮游花瓶或者香薰石課程都可以獲得由AFS頒發嘅證書添 ！
各位男士們如果諗唔到送咩俾女朋友做100日、300日、10001日紀念日又好、不妨試下搵Jancie參加工作坊，親手整一個浮游花瓶或者香薰石俾另一半，呢份手作簡單又吸引眼球，而且仲可以成為室內裝飾品添！
Facebook: @theflowerjourney
Instagram: @flower_journey
電話：92206990
花店地址：鴨脷洲海怡半島海怡東商場G44號鋪
