係咪真係帽事嘅？正所謂「綠帽唔怕戴 最緊要除得快～」當然無人想「帶帽」，但如果對方要偷食，大概第幾次先會發現？英國約會網站Illicit Encounters調查咗1,000名不忠人士，統計出「最容易被發現嘅偷食次數」，原來係3次！
統計發現有63%嘅人都係婚後被另一半發現自己有外遇（剩下嘅係有外遇但未被發現）。而第1次偷食就被發現的受訪者有11%，第2次嘅有12%，而第3次嘅機率一下子跳到21%！
點解第3次偷食被發現嘅機率會咁高？原來同心態有關，因為前2次冇被人發現，會產生一種「反正做咗都無人知」嘅投機心態。初次偷食會好緊張，好小心，但隨著經驗愈來愈多，漸漸變得大膽，亦會放鬆警戒，呢個時候就最容易露出馬腳！
39%嘅受訪者被發現偷食，都是因為跟偷情對象嘅對話訊息曝光，就好似電影嘅情節一樣。其餘仲有22%透過E-mail發現、20%因為行蹤有可疑、14%被當場捉姦。最驚訝嘅係有5%人係被親友「出賣」而被揭發。
其實當你唔再愛對方，不如直接了當咁分開，對大家都好！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
