去演唱會嘅經驗唔少人都有，身為粉絲就當然會想把握呢個機會，記錄偶像喺舞台上嘅身影。但好多時都會面對同一個問題，就係場地實在係太黑啦！有一次我同樣想留低偶像嘅影像，但就只係影到一大堆螢光棒同矇到不得了嘅舞台…但有呢部手機，你就唔洗再有咁嘅煩惱！

Sony Mobile Communications今日隆重推出旗艦級智能手機 Xperia XZ2 Premium，以嶄新嘅Sony Mobile獨家黑科技- AUBE實時合影像處理器，配合全新Motion Eye Dual雙鏡相機極致攝影技術，即時塑造超越肉眼所見嘅影像，帶嚟無可匹敵嘅「極！攝錄」影像體驗。

Xperia XZ2 Premium係世界最高感光度嘅影片攝錄手機，當中結合19MP 主相機同埋12MP黑白鏡頭，喺拍攝細緻影像嘅同時可以有效捕捉到更準確清晰嘅對比度同色彩。Motion Eye Dual雙鏡相機仲設散景及黑白相片嘅效果，令你可以輕鬆表現主體細節，盡現個人藝術風格。

Sony Mobile 高級相機技術工程師岡野祐太表示佢地最新研發嘅AUBE實時合影像處理器打破市面上其他手機既有嘅限制，可以將雙鏡頭收集返嚟嘅影像即時融合。提升照片同影片質素之餘，仲可以將肉眼見唔到嘅景色盡現眼前，令手機可以用簡單操作就達到專業相機嘅水平。

香港專業攝影師梁詠珊小姐以XZ2 Premium為「Gallery AUBE」攝影展拍攝作品，捕捉東京呢座大城市嘅性格特質。梁小姐表示XZ2 Premium嘅相機效能超越咗一般手機拍攝嘅可能性，即使係極低光嘅東京街頭，每一幀影像都清晰明亮，甚至可以將漆黑一片嘅夜空變得份外攝人，輕鬆捕捉最美嘅每一瞬間。

除咗具備媲美專業相機質素，XZ2 Premium亦配備5.8" 4K HDR 大屏幕，可以為用家提供無與倫比嘅清晰明亮影像。與此同時，XZ2 Premium 具備全新嘅動態動系統，令雙手可以喺觀賞電影，影片及遊戲嘅同時感受震動。

另外，XZ2 Premium具有流線優雅設計，當中融匯各頂技術於一身，包括由一體化3D玻璃面帶嚟嘅自然手感，IP65/68生活防水防塵功能，當然仲有一系列有效延長電池壽命嘅Xperia實用電池功能。呢款手機可應用WCH20無線充電座，令你可以隨時隨地進行高速無線充電。

Xperia XZ2 Premium將會由7 月13日起喺指定特約經銷商正式預售，並喺7月20日正式發售。只要呢部輕便手機喺手，無論你身處喺幾黑暗嘅地方都可以完美捕捉景物嘅神態。想喺演唱會拍攝到偶像嘅身姿真係話咁易呀。