減肥絕對係一件對意志同毅力都要求相當高嘅任務,今日要分享嘅成功案例就係郭思啦!相信好多人都唔知郭思係邊個。但提到孫儷鄧超呢兩位內地名人,就應該無人不知,而郭思就係令佢地紅遍兩岸三地嘅經理人啦!
郭思曾經擁有高逹190斤嘅超高體重,再加上172嘅身高就令佢就好似一座移動嘅大山咁樣,企喺瘦削嘅孫儷身邊就對比更大啦。
肥胖唔單只影響外表,仲會妨害健康。郭思正正係因為查出自己患有中度脂肪肝,以及因體重過高而罹患多囊性卵巢綜合症,先至下定決心要進行減肥大計。喺孫儷嘅督促下,郭思喺短短嘅五個月內減咗35kg,瘦咗幾個碼!
咁彪炳嘅成績到底係點樣做出嚟嘅呢?郭思就好大方咁分享咗佢減肥時所用嘅餐單。
Plan A:
早餐:脫脂牛奶、2個蛋白/蛋羹、低糖水果
午餐:水煮蔬菜、牛肉
下午茶:美式咖啡、水果
晚餐:基本不吃,也可小量水果
Plan B:
陪「娘娘」孫儷在宮裡拍戲的時候,工作量大,會調整如下:
早餐:蔬菜、2個蛋白、1杯脫脂牛奶、1杯咖啡、一點點小餛飩
午餐:一些菠菜、豆腐、花椰菜
晚餐:空氣
兩個餐單點睇都係地獄級別嘅難度呀!郭思表示喺減肥期間佢過午不食,大約2周過後就會習慣,偶爾可以偷吃高熱量甜品,餓嘅話就可以喝溫水緩解胃部不適。唔好以為食少咗野就得呀,減肥當然仲要配合運動,所以郭思每日都會做160個仰卧起坐,外加慢跑。
減肥後嘅郭思喺造型上亦都有極大嘅改變,開始留起長髮同學習化妝,啲女人味散發哂出嚟呀!
Tags: homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like