《動物世界》由《滾蛋吧,腫瘤君》嘅導演韓延執導,特邀奧斯卡金像獎影帝米高德格拉斯(Michael Douglas)首次合作拍攝華語電影,加上影后級人馬、近期大熱話題之作《後來的我們》嘅女主角周冬雨領銜主演及國內爆紅人氣小鮮肉李易峰特意減產近一年以專心參與拍攝。
電影不但邀請到《猿人爭霸戰:猩凶革命》嘅國際頂尖特效團隊「維塔工作室」負責電影嘅視覺特效,更請來曾擔任《星球大戰》及《星際特工:千星之城》場景設計嘅華裔設計師朱峰負責整個設計概念。
攝影師則由曾擔綱Marvel 電影《鐵甲奇俠3》攝影工作嘅Greg Gilbert、Matthew Waka負責,將《動物世界》嘅特技場面提升至國際水平,一新觀眾耳目,將華語電影嘅水平帶到新境界。
《動物世界》改編自日本漫畫家福本伸行90年代風靡日本嘅本土漫畫作品《賭博默示錄》,自1996年喺《周刊Young Magazine》上開始連載,截止到2008年為止共賣出1000萬本以上。
導演喺漫畫原有劇情嘅基礎上,不僅打破咗原著中只有男性角色嘅設定,仲加入咗新嘅人物角色,同時又將故事背景放置喺郵輪上,將原著中強烈嘅「賭博」概念置換為一場卡牌遊戲,以決定生死。
電影故事講述一事無成嘅鄭開司(李易峰 飾),因為誤信從小相識嘅朋友李軍 (曹炳琨 飾) 而背負上數百萬債務。為償還欠款,及照顧植物人母親同青梅竹馬嘅劉青(周冬雨 飾),他被迫登上「命運號」遊輪,參加一場神秘嘅賭局遊戲。一旦獲勝,就可以將欠款一筆勾銷,甚至扭轉命運,改寫坎坷人生。
賭局規則睇落好簡單,參加者以「包、剪、揼」卡牌為道具猜拳,勝方可贏取對手身上嘅星星標誌。然而喺一群走投無路嘅賭徒面前,賭局中嘅任何一絲破綻都可以加以利用。
鄭開司接連遇到落魄嘅魔術師張景坤、陷害佢嘅朋友李軍、臨時夥伴孟小胖等人,呢班亡命之徒毫無底線嘅欺詐爭奪,讓人性嘅自私與殘酷暴露無遺,局中局、計中計,令鄭開司難以招架,讓「命運號」郵輪徹底淪為鬥獸場,其間折射出嘅人性殘酷,儼然係社會嘅縮影。
賭局最終成為一場獵殺,鄭開司每分每秒都身處喺窮途末路,憑藉他嘅智慧同堅韌遊走喺人性善惡嘅邊緣,只有喺逆境嘅動物世界裡,他最終可否堅守道義同底線,唔因殘酷嘅現實而改變初心?
一場玩命嘅殘酷遊戲,馬上開始!