今次我地黎到呢間LapsLaps，相信有留意開深圳資訊嘅朋友都會聽過呢間Cafe，小編終於如願以償黎到呢度啦。我地今次係撘的士黎嘅，如果你想搭地鐵可以係深大站落車，A3出口出行大約700米就到啦。
呢間鋪由車道已經係粉紅色架啦！一上去就見到令人心心眼嘅跑車同入油機，另一邊係一排高腳椅，不過係影相之前，記得入去買咗野食先，如果唔係會比人趕架!
一入到去就係粉紅粉藍相間嘅裝修，好有美式Barbie Feel，呢度啲野食都唔平架，小編就咁叫咗一杯飲品同一件CAKE已經要93蚊人仔，野飲係幾好飲，但Cake就真係無下次啦。佢杯嘢上面仲有個冬甩，個冬甩好食過個Cake幾多㗎都！
.gif)
食完野，就係時候影相，基本上成間店都係影相位，除咗門口嘅跑車，仲有粉色雪櫃、仿車庫門口、霓虹燈、亦都隔開唔同嘅房同區域比大家影相，鋪頭唔算好大但就可以一次過影到唔同嘅場景，小編就最鐘意禮物房啦，又有邊個女仔唔鐘意拆禮物呢?
黎呢啲網紅店一定要早少少到，我地好好彩坐咗最後一張枱，再遲啲就要係外面熱住等啦！
呢度附近其實都仲有好多網紅店，下次有機會再同大家黎玩啦，BYEBYE:)
地址： 麻雀嶺工業區華富洋大廈210
電話： 18507520638/18320965081
Tags: 紅蜜遊樂團
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
