根據非正式統計，你身邊至少有一人係拖延症患者，而嗰個好可能就係你自已。而生活當中，拖延症嘅例子簡直俯拾皆是，小則唔願起身，不斷延遲5分鐘，即使你較幾多鬧鐘都冇用，你都係會遲起 ; 而大則功課寫文最後嗰日做最後嗰秒交、台證臨去嗰日先搞、減肥永係明天的事等等... 太多例子，不能盡錄。 但而家有個方法，簡單易做，就係「5秒鐘法則」。

發現呢個方法嘅係梅爾·羅賓斯（Mel Robbins），一曾因待業而留屋企照顧仔女嘅婦女。佢唔係好滿意當時嘅生活，因佢經常起唔到身，而整唔切早餐或趕唔到車而令到佢嘅仔女翻學遲到。因為咁，佢覺得自己好失敗人生好冇希望，因咁小嘅事都做唔好，點做大事呢? 

坦白講，「5秒鐘法則」 并唔係一啲高深嘅方法。只係有日，佢睇緊電視入面一個廣告，然後佢就聽到電視傳火箭發射倒嘅計時：5、4、3、2、1，發射！然後，火箭點起火，火箭就一飛衝天，一上太空。

跟住佢忽發奇想，要解決自己嘅賴床同拖延，咁不如將自己嘅起身過程幻想成火箭發射，數5秒，就要自己強行起身，如同火箭發射時嗰種力量。因而，佢成功克服咗賴床和拖延。佢因為每天按時早起，生活變得更加自律。之後，她將自己發明的這個「五秒法則」介紹俾其他人，因而仲登上咗 TED ，鼓勵更多人。

好多人都因為「五秒法則」而徹底改變人生。一位年輕人布萊斯（Bryce Palmyra）成功克服拖延後，更用兩年出左本關於「五秒法則」嘅書。

或者呢一刻，你會覺得呢個方法根本唔係一啲咩實際嘅方法，而且仲耍有啲荒謬! 但諗真啲其實方法有千萬種，有冇成效係基於你嘅決心有幾大。當然，你入得黎睇證明你有想改變嘅勇氣，先恭喜你，因你已成功踏出第一步。但跟住落黎先係最難，就係堅持! 若呢個方法對你黎講冇成效，小編希望「五秒法則」係純粹唔啱你，而唔係因為你放棄。加油呀! 同你地講，亦係同小編自己講，一齊克服拖延啦!