嚟自意大利嘅Calzedonia 集團其下嘅兩個標誌性品牌，包括絲襪品牌Calzedonia 同設計華麗性感嘅內衣品牌 Intimissimi即將推出2018/19年嘅秋冬季系列，仲邀請咗品牌大使連詩雅、名模馬詩慧同王麗嘉親身演繹品牌的全新系列添！
Intimissimi 2018 秋冬系列綻放住神秘女性魅力，新系列以7大主題作靈感秋冬系列，有充滿異國風情嘅動物印花，同埋富有女性魅力嘅花卉圖案。
#FRIDA KAHLO (秋季)
靈感嚟自如墨西哥傳奇女畫家芙烈達·卡蘿（Frida Kahlo）。呢個系列充滿鮮豔色彩、異國風情印花同花卉刺繡，同時結合了濃烈嘅綠色、紫紅色及藍色，就好似闖進Frida Kahlo嘅藝術世界。
#WESTERN RODEO
以鬥牛競技、流行街頭文化及最新嘅時裝潮流為意念。花卉同腰果花圖案成為雙色調喱士嘅點綴，置中嘅玫瑰及星形貼花充滿玩味。
#WINTER BOUQUET(冬季)
系列以深顏色做背景，係喱士配上花卉圖案，兩者相輝相映。天鵝絨作為主配襯喱士細節，顏色仲係深綠同棗紅色，簡直充滿冬日氣息～
#ANIMAL PRINT
以動物斑點印花、黑色喱士同紅玫瑰喚醒潛藏內心嘅原始慾望！透明薄紗令印花若隱若現，有種低調嘅性感。
#COSMIC UNIVERSE
主題由宇宙之間汲取靈感：星際、星形亮片、星座圖案及水鑽，精細優雅嘅貼身剪裁由日到夜帶嚟閃亮炫目！王麗嘉仲表示︰「我最鐘意 Intimissimi 嘅 Cosmic Universe 系列。星星造型嘅
內衣及其貼身剪裁適合日同夜嘅穿著。」
#SENSUAL DARKNESS
夜闌人靜讓人聯想到性感誘人嘅薄紗與蕾絲 ,而呢系列就展現女性獨有嘅性感。係透明薄紗上搭配充滿玩味嘅交叉吊帶同圓點，而且採用黑色天鵝絨同透明薄紗，係一款優雅又充滿誘人魅力嘅睡衣！
#CHRISTMAS
呢個系列充滿聖誕氣氛，紅色天鵝絨與喱士嘅結合營造滿滿嘅冬日氛圍。係經典嘅聖誕紅色之上配上黑色喱士邊同金絲刺繡，超有特色。
除左內衣之外，Calzedonia 亦為今年秋冬季帶來一系列新款式，包括千鳥格、波點同菱形等幾何圖案，為系列嘅絲褲同襪子帶來中性又知性嘅時尚造型，係每個女人衣櫃必備時尚單品。品牌大使連詩雅仲表示Calzedonia 絲襪係佢今季嘅必備之選。以連身內衣配上高腰裙，更加能夠展現出女性獨特美態同令身型望落更修長。
設計大膽嘅絲襪運用光面粗條紋同鮮豔顏色等元素，簡直係向 80 年代致敬，亦表現出品牌鮮明同直率嘅個性，過膝襪亦充滿冬日氣息～盡顯時尚氣派！Calzedonia 特別為冬季節日推出嘅派對系列仲配有閃粉同亮片細節，為沉悶嘅冬季造型添上亮麗魅力！
想打造浪漫性感造型，一定要試下新款短襪以色丁、薄紗同植物圖案作點綴。以透視物料、鏤空設計同褶襇飾邊等元素增添層次感。今年 Calzedonia 亦推出特別系列，當中最獨特及熱門嘅產品係 6 款新款絲襪同短襪。珍珠、薄紗細節、波點、星形及閃粉材質令造型獨一無二～
一齊黎感受下當日展覽盛況～
