有留意住日本資訊的朋友都知道，現時日本市區頗多立食店，包括立食拉麵、烏冬、壽司店等，幫襯的客人通常都快食快閃，但供應的食物又並非低質素，其實一般食店無異，只不過是店內沒有任何座位所以店舖細!

香港有沒有立食壽司店? 最近在尖沙咀便出現一間，號稱是全港暫時唯一一間立食壽司叫立鮨。全店只有大約十個站位，師傅手握壽司的整個過程。壽司價錢每件由$9至$48不等。立鮨不只標榜便宜快捷，還希望以一個較低的價錢，用每天日本直送的食材，做出接近Omakase的水準。一齊睇下店內情況同睇下有咩值得食？

店內會見到壽司師傅正在準備壽司，客人點餐的做法好簡單，先填點菜紙，然後交給師傅。另外牆上的黑板，寫上了是日精選。

雖然店內沒有椅子只可站立，店子也很貼心地設置衣架和掛勾給客人掛大衣。

#最人氣！三文魚子壽司 ($20/件)

店內最人氣的要數三文魚子壽司，靈感源至日本的滿瀉三文魚子飯，可以見到三文魚子滿瀉！

#最甘甜！特上海膽壽司($48/件)

特上海膽甘香油潤不腥，如果想追求更高享受，可選馬糞海膽，或者來個迷你版海膽丼，賣$98~

#最剛剛好！火炙本鮪赤身壽司($20/件)

火炙本鮪赤身壽司相當考手握技巧和火炙程度，立鮨就將壽司調配恰好，價錢亦不算昂貴，值得一試！

目前為止立食壽司店在香港不算流行，但香港人樣樣都忙，尤其午飯時間就可以試下立鮨，食完就走，不用逗留太耐。外賣自取還有9折！

立鮨
地址：尖沙咀金馬倫道23號金馬倫廣場地下D舖
電話：2836 3830
營業時間：星期一至日12nn-10pm
備註：不設加一，收現金，外賣自取享9折。Happy hour 時段為平日 4:30pm-7pm