相信唔少香港人都係日式拉麵嘅狂迷，追求最正宗嘅日本味道。係咁嘅話一風堂就係一個相當適合你嘅店舖啦。香港一風堂致力以無限創意同上乘食材，為香港人帶嚟最正宗嘅日式拉麵餐飲體驗。

踏入炎炎夏日，香港一風堂推出咗幾款菜式，相信會為大家嘅味蕾帶來清新驚喜。

夏日限定 濃厚海老沾麵大進化！ (港幣$88)
升級版嘅濃厚海老沾麵會喺6月6日至7月31日強勢回歸，呢道係拉麵愛好者唔可以錯過嘅美食！濃厚海老沾麵選用極太麵，並喺極太麵入面糅合小麥同海老粉，仲用咗香味十足嘅海老香油搭配濃郁海老湯底，將「海老」嘅滋味滲透到沾麵，帶嚟無可抗拒嘅拉麵食感。

喺配料方面，沾麵入面特別加入富有濃厚海老風味嘅肉味噌、原隻新鮮海老、半熟蛋，再配合香脆芝士煎餅，同埋香濃撲鼻嘅芫荽，為食家帶嚟豐富嘅口感。

濃厚海老沾麵有非凡魅力，喺享用拉麵前不妨將拉麵與海老肉味噌拌勻成「混麵」，再將麵條沾入湯底，等海老嘅鮮味散發出嚟，享受「沾麵」帶嚟嘅幸福。

全新驚喜拉麵配料
除咗令人讚口不絕嘅沾麵之外，拉麵配料亦會為大家帶嚟新意！香港一風堂會喺創新「拉麵配料」加入兩款全新夏日口味，為拉麵湯底添上驚喜滋味。

享用拉麵嘅時候唔單只可以品嚐到原有味道，喺加入「拉麵配料」之後湯底會有微妙變化，只係享用一碗拉麵，但就擁有兩種不同滋味！

青咖哩玉 (港幣$8)

青咖哩玉由青椒、芫茜、蘿勒及香茅等多種香料組成，帶有豐富濃郁嘅香氣。青咖哩玉最適合配搭赤丸新味及白丸元味拉麵享用，佢會為湯底添上青咖哩獨有嘅香味。

辛. 蕃茄玉(港幣$8)

辛. 蕃茄玉係赤丸新味、白丸元味同埋辣肉味噌拉麵嘅最佳配搭。佢將酸甜嘅番茄同微辣嘅大蒜及洋蔥完美結合，只要將辛. 蕃茄玉加入湯底輕輕攪拌，酸辣並重嘅刺激口味就會瞬間爆發。

炸雞「熱」潮載譽回歸 (港幣$45)
屢獲殊榮嘅唐揚雞載譽回歸香港一風堂！嚟自大分縣內中津市嘅「もり山」(森山)唐揚雞得到七屆「唐揚大賽®鹽醬汁組別」冠軍及六屆最高金獎榮銜，今次佢以王者姿態回到一風堂，為食客帶嚟無可比擬嘅炸雞香脆滋味。 

香港一風堂精心挑選嚟自日本嘅新鮮雞肉，再塗上以青森縣大蒜秘製而成嘅大蒜醬汁及精選天然鹽。透過天然鹽入面嘅微甘同香氣，令秘製大蒜醬汁嘅香味更為突出，將唐揚雞提升到另一層次。

經醃製雞肉嘅外皮加上馬鈴薯澱粉醬，然後再經高溫油炸，就可以調製出別具中津唐揚風味嘅味道，令人一食難忘呀。

香港一風堂不停探索全新食材配搭，今次就以多款美食同飲品為盛夏滋味旅程揭開序幕！

小魚乾豆腐沙律配明太子醬 （港幣$32）
幼滑嘅豆腐配搭香脆小魚乾同清新沙律野菜，為食客帶嚟耳目一新嘅感覺。配上明太子醬更係為成個沙律添加風味，令呢道美食成為炎炎夏日中嘅清涼之選。

低溫慢煮叉燒野菜沙律（港幣$42）
清新沙律絕對係健康之選呀。當中爽脆嘅蔬菜同低溫慢煮叉燒形成強烈對比，而半熟蛋同鮮甜蕃茄就為沙律帶嚟更豐富嘅口感，最後加入巴馬臣芝士及酸忌廉，令整個菜式更惹味，幫大家揾返食慾！

辛.芫荽竹筍沙律配叉燒（港幣$38）
辛.芫荽竹筍沙律配叉燒係由香港一風堂首創，當中特意用咗芫荽作為主角，佢濃烈嘅香氣同味道加上爽脆竹筍、嫩滑叉焼、開胃柚子醋醬油和辣椒油，可以為大家帶嚟意想不到嘅滋味。

黃金炸舞茸角包（港幣$36）
呢一款包係一風堂招牌菜嚟咖！角包配上營養豐富嘅舞茸，用脆炸方式保留佢獨有嘅甜味，並與香脆嘅角包形成鮮明嘅口感對比。最後淋上黑醋洋蔥沙律汁，絕對可以喚醒你嘅味蕾。

燒醬油芝士粟米（港幣$32）
睇落好簡單嘅燒醬油芝士粟米都充滿咗令人驚喜嘅味道！呢道菜喺新鮮粟米上面加上日本醬油同埋巴馬臣芝士，經過細火慢慢炙燒，香味就會喺空氣間散發，令你食落去每一啖都香甜多汁。

沖繩風豚軟骨丼（港幣$58）
軟稔嘅豚軟骨配以特製濃厚燒肉汁，絕對係不可抵抗嘅完美配搭呀！丼飯佐以半熟蛋、竹筍同大蔥，用最地道嘅沖繩口味為食客帶嚟無限滿足感。

「18+」三矢威士忌梳打（港幣$88）
美味拉麵嘅最佳拍檔就一定係三矢威士忌梳打啦。佢特別採用由日本直送，並擁有超過100年歷史嘅懷舊梳打飲品- 三矢梳打，混合傳統地道嘅日本威士忌製成。大家食完熱辣辣嘅拉麵之後飲返一杯，就可以令清涼暢快感覺直達心底。

「18+」蘋果威士忌梳打（港幣$88）
香港一風堂限定特別版嘅「18+」蘋果威士忌梳打概念取自日本大受歡迎嘅「啤酒」汽水，以清甜嘅蘋果梳打加上香氣四溢嘅日本威士忌，製作出嚟嘅飲料清爽舒喉，為大家一掃暑氣！呢款飲品好適合在餐後享用咖，食完野不妨叫返杯嚟飲。

有咁多款滋味菜式，即使係悶熱嘅夏日都會令人食慾大增。你地一定要去體驗下正宗日式餐飲帶嚟嘅美食享受呀！