女士們一到雨天就會煩惱應該着咩出門先好，今日就等我介紹一款雨靴俾大家，等你地可以即刻配搭出時尚造型，即使喺落雨天都可以表現出自己嘅品味。

Langham Hotels推出咗限量版嘅 Langham粉紅Hunter原創雨靴，呢次係兩個標誌性嘅英國品牌進行合作。咁獨特嘅Langham Pink雨靴就當然唔會大量生產啦，佢地將會喺八間位於澳洲，香港，北美洲同英國嘅Langham Hotels進行限量供應。

朗廷酒店嘅首席市場官Simon Manning指出Hunter係一個被人所信賴嘅品牌，有唔少名人及皇室人士亦有穿着佢地嘅產品。Hunter將自身發展成為尋找時尚雨衣嘅好去處，並推出咗一系列適合雨天嘅外衣以及飾品，而且呢個品牌以高品質產品，創新設計及悠長歷史而聞名，同Langham Hotels非常相類近。今次兩個標誌性品牌可以合作令佢地相當興奮。

呢啲限量Hunter原創Langham粉紅雨靴由6月5號起可以喺倫敦，紐約，芝加哥，波士頓，洛衫磯，悉尼，墨爾本及香港嘅Langham Hotels發售，售完即止。雨靴有提供小童及成人尺寸，小童尺寸定價HK$600，而成人尺寸就定價HK$1050。

如果知更多詳情嘅話可以登上www.langhamhotels.com/hongkong/hunter-boots。心郁郁想買返對雨靴嘅話就可以去到位於 The Langham大堂嘅精品店 Flavours of Langham購買，想要就快啲行動啦！