相信大家都知2017既Pantone色係草木綠，有無諗過買埋綠色既唇膏呢？

Photo via popsugar.com

雖然歐美宜家流行純綠色既唇妝，但小編自問真係Handle唔到，今日就為大家推介幾款綠色嘅唇膏唇彩；由綠色變做紅色好靚架！

Photo via Ulta Beauty

Lipstick Queen 推出嘅青蛙王子唇膏，一推出就大受歡迎，變左色之後會係冷粉紅色，如果本身皮膚比較白或者喜歡冷色調嘅朋友唔好錯過啦！

Photo via PC Home

韓國彩妝品牌VDL繼上年出左Pantone色系唇膏，係Greenary 成為17年Pantone之後亦都推出左草木綠色既化妝品，佢既唇膏仲要係幻彩色添！好夢幻啊，潮得黎又夠Girly，仲唔快手啲入貨？

Photo via Etude House

講起韓國彩妝品牌，又點少得Etude House 呢? 作為小編呢啲月光女子必關注既牌子，雖然價錢開心但都好多選擇架！Etude House既唇妝入面都有綠色漸變唇彩，而且仲全可愛嘅粉綠色，搽上咀會變做淡淡地嘅粉紅色，岩曬春夏妝容，性價比超高！

Photo via CCMall2u

不過講起綠色唇膏，就真係不得不提HengFang呢枝變色潤唇膏，無論價錢、滋潤度、顏色同持久力都不俗，曾幾何時行街經過所有格仔鋪都有賣架！小編自己都有一枝，平時當潤唇膏用，滋潤同時仲有好氣息！

除左綠色變色唇膏之外，好多牌子都出左其他變色唇膏，有機會小編同你介紹返啊！