所謂既族群，唔單止代表住某一部人係社會既生態，更係意味著內在既價值觀。除左有香港好地道既「MK」之外，原來仲有好多唔同既族群，你屬於邊一種呢？

#Ikigai

Ikigai呢個字源自日本，意思指「目標」或「每天早上醒來的理由」，意味住人生命充滿價值同意義，每日都有動力展開新一日。呢類人能真正了解自己點解咁忙，從而係忙碌中，得到快樂、幸福，同充實人生。其實保持生活快樂秘訣就係令人生充實忙碌，所以係Ikigai既字典入面係冇「退休」兩個字！諗諗下，其實呢種態度都幾似香港獅子山下既精神～

#YOLO

YOLO其實係英文單詞既縮寫，意思係「you only live once」，潛台詞係你只能活一次，所以應活在當下，享受人生，寓意即使冒著生命危險都要及時行樂。雖然呢個字係歐美地方流行先，但最近南韓亦一樣興起YOLO既文化。甚至演變至韓國象徵一種新形式既個人生活方式，開始提倡一個人吃燒肉、一個人睇電影既獨身生活。

#佛系

相信大家對「 佛系」已經有一定認識。「 佛系」一族說得上看破紅塵、不理世俗，順其自然，安於平淡生活既一種生活狀態同人生態度。之前係Facebook更有一連串hit爆既圖，包括點樣「佛系追女仔」、「佛系賺錢」、佛系乜乜乜等等。「佛系」既精髓就係咩事都隨緣，自然會有結果的。

#星光族

以前有「月光族」、「啃老族」等等，依加居然連「星光族」都有埋。即係指將每月出糧一星期內都會將份人工洗曬既人，正所謂「財散人安樂」，比起月光族可謂青出於藍！