唔少女士都認為打掃家居既勞心又勞力，有無諗過有一日清潔屋企會變到輕鬆又容易呢？日立就特別推出咗全新SMART EXTENSION無線旋風吸塵機，佢嘅貼心設計相信可以令你有一個美好嘅吸塵新體驗。

吸塵機主機身不但輕巧，仲備有多款配件組合成「全方位打掃組合」，包括SMART HEAD智能電動多角度吸頭、迷你電動吸頭、多角度微塵長毛刷、手提柔軟吸頭、吸塵刷、2合1縫隙吸頭(吸塵刷・吸塵管)、碳纖維延長管及輕巧軟管。等大家可以因應不同場合自行組成不同嘅打掃組合。新增嘅軟管令雙手可以分別操作主機同吸塵頭，改變咗以往無線吸塵機嘅局限。除咗減輕吸塵時嘅體力負荷之外，仲令操作更加靈活自如，即使要打掃高處亦一樣可以輕鬆處理。

吸塵機係設計上亦盡顯心思。例如特別新設計嘅多角度微塵長毛刷，吸頭內備有多條幼小吸塵管，專為打掃抽屜或滿佈小物件嘅地方而設；打掃時只會吸走塵埃而唔會吸附如萬字夾細小般嘅野，令打掃更加方便。為咗更易處理較大嘅垃圾，新一代嘅SMART HEAD智能電動多角度吸頭新增旋風扇葉增強吸力，並再加大吸塵口，令佢地可以被輕易清除。

另外，大家都知清潔時總會遇上一啲暗角位置，為咗令你打掃得更乾淨，吸塵機機身、軟管同SMART HEAD都增設LED照明燈，喺你打掃暗處嘅時候為你照明，令你睇得更清楚。而機身仲備有左或右出風口，即使排氣亦唔會吹向自己，真係好貼心呀。吸塵機仲配備嶄新加強版智能馬達，吸力強大之餘仲保持到輕便嘅機身。最吸引嘅係呢款吸塵機配合直立式充電座，令大家擺放時可以更慳位。

處處為你着想嘅吸塵機可遇不可求，女士們快啲去買返部去，等自己可以輕鬆打掃安樂窩啦。