熱愛旅行而又搭開國泰航空嘅女士們，你們有福了。國泰航空集團為咗令顧客更容易兌換飛行獎勵，特意推出咗由6月22 日起生效嘅「亞洲萬里通」獎勵計劃，當中包括增加可賺取嘅里數，仲提供更多可供兌換嘅獎勵機位，等你地乘搭大部分國泰及國泰港龍航班嘅時候可以賺取更多里數，仲可以體驗用更少嘅里數兌換奬勵機票添！

顧客可以由大部份國泰航空及國泰港龍航空機票賺取更多里數，當中包括熱門目的地如上海、大阪同倫敦。顧客賺到嘅「亞洲萬里通」里數會按客艙級別、「子艙位」同埋飛行距離區域作計算。如果會員持有係 2018 年 6 月 22 日或之前嘅簽發、同埋係呢個日期或之後出發，而又因為計劃更新令賺取嘅「亞洲萬里通」里數有任何差異嘅話，就可以賺到較高嘅里數。 例如，由香港到悉尼乘搭經濟客艙（S, N, Q 子艙等）嘅顧客在計劃更新後，可以多賺逾兩倍嘅「亞洲萬里通」里數，而乘搭頭等客艙（F, A 子艙等）飛去倫敦嘅顧客仲可以賺取多近三成嘅里數。嘩，今次真係發達啦！

另外，顧客可以用相同、甚至更少嘅里數去兌換所有經濟客艙嘅獎勵機票。例如，顧客係計劃更新之後，可以用比原本用少三分一嘅里數去兌換來回新加坡嘅獎勵機票。 部分較高客艙級別嘅獎勵機票，尤其係長途航線，就要用較多嘅里數去兌換。當然，顧客都可以由長途航線賺取更多飛行里數。例如，乘客乘搭頭等客艙來回倫敦（F, A）可賺取嘅里數增加接近三成（來回航程賺取額外 5,330 里數）。咁就可以慳返差唔多三次旅程，就已經賺到可兌換同一客艙級別及同一航線嘅來回獎勵機位所需里數，真係好抵咖。 所有飛行獎勵都會用單程航線計算，等你嘅旅程更加靈活之餘，顧客係每程都換到唔同客艙級別嘅獎勵機票，想去旅行就更加方便啦！

「亞洲萬里通」仲優化咗網上飛行獎勵兌換系統，為大家提供一個更好嘅兌換獎勵體驗。 今次「亞洲萬里通」嘅飛行範疇計劃更新係國泰繼最近馬可孛羅會嘅計劃更新後優化項目。早前計劃更新後，馬可孛羅會會員係乘搭國泰航空同國泰港龍航空指定客艙級別嘅所有飛行距離區域入面賺到更多嘅會籍積分，而且維持綠卡會籍級別的門檻亦已降低。如果想進一步了解計劃嘅更新詳情嘅話，請瀏覽 www.cathaypacific.com。有呢個咁好嘅獎勵計劃，大家記住趁今個暑假去旅行果陣要買國泰航空嘅機票呀！