小编都明,其实成日介绍深圳热点,吸引还吸引,但放得一日仲要Plan行程又真系几,所以小编决定由今日开始不时为大家Plan下一日行程,等大家唔洗Plan就可以开开心心玩一日,系咪好抵锡呢?
今次呢条路线会去海岸城同欢乐海岸,呢2个地方都好大好多野行、好多地方可以影相,第一次去预一日就差唔多啦!小编建议大家可以系深圳湾口岸过关,系屯门、元朗、天水围都会见到有巴士或者小巴去深圳湾。小编自己就搭开618小巴($12),同车SAY个hi 啊Ü
Photo via Wikipedia
第一站 : 海岸城 Line Friends Cafe & Store
出深圳湾会见到一排大巴,隔离就有个普通巴士站, 到M299或者M474号巴士都可以上车,坐6个站到海岸城就可以落车,行入去上一层你就会见到Line Friends Cafe & Store啦!呢度同香港Line Store最大分别就系, 系有做Cafe架!系度饮杯野食个cake,顺手影返几张相(每个位几张),超开心!虽然比唔上韩国Line Store 大间,但都超多打卡位架!
营业时间∶早上10时至零晨1时
预计时间∶约90分钟
第二站 : 海岸城 Hello Kitty Cafe
影完Line之後可以去埋Hello Kitty Cafe,呢间Cafe系海岸城一楼,全国只有5间分店,Hello Kitty 迷黎到呢度一定要忍住唔好尖叫!全间店装修以粉色加啡色搭配,真系超级梦幻啊!
营业时间∶早上10时至晚上10时
预计时间∶约60分钟
第三站 : 红荔村肠粉
红荔村肠粉其实系一间内地连锁肠粉店,唔好睇 系连锁就觉得唔好,小编次次北上都会去食肠粉,而红荔村肠粉就系其中一间高质肠粉店。以内地消费黎讲,呢间铺唔算平,但以我地黎讲就真系好抵食!
营业时间∶早上10时至晚上10时
预计时间∶约30分钟
第四站 : 欢乐海岸
“欢乐海岸”系深圳市“十一五”旅游规划重点项目同华侨城集团重点项目。 “欢乐海岸”位於深圳湾商圈核心,占地面积约125万平方米,集合文化、生态、旅游、娱乐、购物、餐饮、酒店、会所等多元业态於一体都市娱乐目的地,之前好多人去TeamLab展就系系度举行,系度除行街、影相、睇戏同睇展等等活动之外,仲可以睇下风景,呢度日落好靓架!
由海岸城出发话,由後海站搭11号线去红树湾南转9号线到深圳湾公园落车,E出口就系美乐海岸。
预计游时间∶约120分钟
第五站 : 奈雪之茶
其实如果有去开深圳好多人都知道奈雪之茶啦,同港人熟悉喜茶一样,都系以深受女性喜爱装潢同少女系茶品同轻食作主打排队店,但其实奈雪之茶仲系一间面包铺黎架!之前小编都有同大家介绍过,欢乐海岸呢边都有一间分店, 地每季都有季节限定商品,小编黎亲都会买 地软包打包返屋企架!
营业时间∶ 早上10时至晚上10时
地址∶ 白石路东8号欢乐海岸购物中心2层 电话∶ 0755-26920339
预计时间∶约30分钟
第六站 : 友唱全民K歌 迷你K吧
唔知大家有 听过迷你K吧呢?近2年内地吹起迷你K吧热潮,一个个好似电话亭K吧出现系街上工,商场入面,俾大家随时过K瘾。欢乐海岸都有得玩,就系呢个友唱全民K歌K吧,只要用手机扫一扫就可以唱K,好方便架。
预计时间∶约30分钟
第七站 : Tony Flower
Tony Flower由内地时尚教父Tony打造,据说有提供深圳最靓下午茶;装修方面以黄色为主,未入铺头已经见到由黄色花朵砌成兔仔同复古车,行入铺头之後第一个感觉就系好黄啊!大家不妨去呢间被誉为深圳最美Cafe之一Tony Flower食餐饭啦!
营业时间∶早上10时至晚上10时
地址∶ 白石路东35号欢乐海岸曲水湾A-6C
电话∶ 0755-23888882
预计时间∶约60分钟
第八站 : 深圳湾公园-深圳湾口岸
全日系 食食食,系时候做下运动,小编就建议大家可以沿深圳湾公园行返出去深圳湾口岸,又或者租Ofo小黄车踩单车出去,浴路一边消耗卡路里,又可以睇到深圳湾夜景,不过要睇住时间,Check一Check自己想搭车尾班车系几点,如果唔系就要去皇岗先有24小时通关啦!
预计时间∶
行路∶约100分钟
单车∶约75分钟
今次路线分享就到呢度啦,小编会陆陆续续带大家去更多地方玩,记住留意我地更新啦!想知道更多深圳游乐资讯,可以去以下网址睇架!