今日我地想同大家去行蓝地水塘，同大多教你行屯门径文章唔同，今次系真轻松游，比起上次由川龙行去荃湾更加简单！皆因小编身边朋友个个都唔愿郁，就算想行又 做开运动，安全起见，小编都系推荐多新手轻松路线比大家，其实就算 身水身汗行山，系香港一样都可以见到美景架！
首先可以搭西铁去兆康站，系Ｆ出口出。之後向岭南大学行，经过岭南大学继续向前行，转入富地路，向虎地上村方向行，经过虎地上村信箱再向前走，可以慢慢行睇下花，一路沿路行入去好快就到虎地烧烤场。
如果你地系由屯门经彩虹栏杆路线行过黎，就会系呢度出返黎啦，不过屯门行过黎有好多梯级，要有好多体力先行到。继续沿烧烤场出面车路向前行，会经过一个分岔路，其实两边目的地系一样，落楼梯就会快乾净，行泥地就有行山Feel，不过会经过一座坟墓，大家可以自行选择。再向下行就见到水塘啦！
蓝地水塘，又名老虎坑水塘或蓝地灌溉水塘，属於灌溉水塘，同洪水坑水塘相距不足一公里。水塘的水最终流入屯门河并汇入青山湾。蓝地水塘呈漏斗形，面积17,000平方米，储水量11.6万立方米，水塘最深处达20米。呢度环境清幽，附近设有郊游设施，亦系屯门径第二段终点。
经过水坝之後转左，沿路就可以出返去蓝地村，一路见到唔少农地，估唔到地方细细都有人种菜。仲有见到呢张 猫告示，希望主人可以 得返 苹爱猫啦！好快我地就出返蓝地村，呢度有间肠粉好好食架，行完山食个小食永远都系最开心！村外有巴士出返港岛同九龙，附近亦有轻铁站，非常方便！
难易度∶★
一个钟内可以行完！再懒搭的士入烧烤场先行落去都得！
打卡度∶★★★
香港水塘各有特色，小编有铺瘾想集邮
设施完善度∶★★★★★
系短短路程入面途经烧烤场，附近都有洗手间同垃圾筒，蓝地有唔少野食。
呢条路线可以睇到碧水塘，小编去时候其实天气唔算晴朗，但因为水塘颜色本身都粉粉地，反而觉得好有仙气，好值得一行架！如果你嫌呢条路线太简单，有机会小编再同大家行埋去上塘放下电啦！今次郊游习作系甘多，我地下次见！
