趁住放假，约埋朋友去踩下单车都系一个好选择。今日小编想同大家推荐一条单车路线，由天水围出发入尖鼻咀，再去埋拉姆萨尔湿地返先天水围，路程只有大约6KM，短短2个钟就可以完成，全程风景都好靓，大家可以好好放松一下。

首先可以系天水围市区租单车，经天月路向流浮山水警码头方向踩，会经过幸福山庄，幸福山庄系个钓虾场，即钓即烧，有兴趣可以黎玩架！经过幸福山庄继续到尽头转右进入深湾路，一路沿深湾路踩，会经过沙桥村海旁，沙桥村世代养蚝，入到去会见到片地蚝壳，好壮观！唔少摄影发烧友会入黎影日落架！大家如果入去都可以顺便去埋洗手间。继续沿深湾路踩，都会有一个公厕，　入沙桥村海旁朋友可以系度去洗手间。继续踩去后海湾，望过对面就系深圳啦！附近有条短短楼梯上唐夏寮，大家可以上去眺望米埔景色，之後继续踩，会有条分岔路，转入去之後一路向天水围方向踩就会去返天月路，沿途欣赏拉姆尔湿地风景，除一片片红树林，仲会有好多侯鸟飞过；另一个选择可以经边境路踩过丰乐园，呢边有好多渔排，边踩边欣赏沿途风光，然後再沿福顺街踩就可以返返去天水围。

呢度路线虽然短，但沿途都有几多大小斜坡，尤其是一开始同收尾都有大斜坡，而且都会踩上马路，所以唔建议新手自己去，最好叫几个朋友，确保有能力踩晒全程先好去啊！