最近小编系连登(LIHKG)见到有个帖文,关於一个女仔向网友求救男友话要冷静期点算好,一路追POST先知原来楼主真系逼得太紧,好似控制狂 监视住男朋友一举一动,莫过话男仔顶唔顺,就连小编见到都觉得好大压力!一段感情想长久同稳定,绝对唔系靠 24 小时 Check 住另一半黎维持,一齐睇下情侣之间应有既相处之道喇。
#唔好放肆情绪
我谂呢个世界都无咩人唔钟意比人既,不过凡事都要适可而止,唔好郁D就发脾气要另一半,就算你话自己好易都系!想要拥有一段和谐又甜蜜既感情,情绪管理绝对系重要既一环,乱发脾气只会破坏双方既感情,不断发脾气只会令对方觉得好有压力,久而久之,自然会磨蚀对方既爱同耐心。
#尊重对方
每个人都虽要自己私人时间同空间,就算系情侣都唔应该侵占晒对方所有生活,要留返喘息空间俾双方。尤其系唔好强逼对方改变自己喜好,可能 钟意打LOL,打FIFA,甚至食鸡都好,即使你觉得无聊唔钟意,都唔好禁止对方做自己既喜好,不仿试下代入对方角度,打机减压其实好正常!正如你都唔想自己男朋友唔准你再买化妆品同睇淘宝一样!
#信任对方
一段关系如果缺乏信任就会好难继续行落去,虽然有呷醋同妒忌既心态都好正常,不过唔好同样唔好过份管制对方,甚至 Check 实对方既行踪,唔止隔几分钟就要睇下你LAST SEEN 有 上线同人倾计,甚至要你开埋 Find My Friends睇你位置,净系听到都滴晒汗!拍拖唔系坐监,越管制对方只会令感情更压抑,令对方更加抗拒。如果你地相处开心,互相信任又爱对方,你唔Check 都唔会出轨;但如果对方系会出轨既人,你check 得再劲都一样会偷食。