唉，做女人真系好多野烦。烦完瘦身就要烦瘦面。而包包面令人最烦恼地方，莫过於就系明明个身唔肥，但人地都觉得你肥肥地　。尤其系同朋友合照既时候就会出现逼爆MON既情况，小编唯有逼块脸瘦朋友机。但解决问题梗系要由根本做起，一齐同小编　出导致包包面坏习惯，然後努力踢走包包面。

1.生活习惯日夜颠倒

因为生活习惯唔规律、训觉唔定时、又或者训得好少既时候，会令身体既淋巴系统运作减慢同令血液循环变差，导致身体内囤积过多水份而无法被排走，就会造成身体水肿既情况，继而会令脸部出现水肿。

2. 有磨牙习惯

有好多姊妹们都未必发现，自己训觉时间会出现磨牙情况，而磨牙呢个行为其中一个副作用就系引致包包面。因为会不自觉地用力，从而令嘴嚼肌变大。呢个情况当然系睇医生，向医生了解磨牙情况同成因，或者系带牙套去改善问题。

3. 饮食重口味

饮食唔均衡亦系令脸部出现浮肿既因素之一。如果饮食当中摄取过量盐份，又或者味道太浓太辛辣，亦会容易导致水份滞留系体内，出现浮肿既现象。除左避免食太重口味既食物，亦应该多食有助增加水份循环食物，例如系红豆、西瓜或者薏仁（仲可以美白添）。所以饮食清淡亦有助减轻包包面架！

4. 经常食「有咬口」食物

牛肉乾同香口胶等食物同样有机会引致包包面，原理同磨牙好相似，就系经常运用到嘴嚼肌，令嘴嚼肌变大。所以最好食少呢类型「有咬口」既食物，戒香口胶瘾，减少口部运动就有机会改善包包面。

5. 经常托腮

相信好多姊妹影相自拍个阵都试过托住个头呃LIKE自拍，但其实经常托腮会容易令面部松弛，严重更会变成左右唔对称包包面。