日本人气一番过江龙一幻拉面首次登陆香港，系4月11日於湾仔隆重开幕！「一幻拉面」於2009年由总店长林直树先生於北海道札幌创立，以香浓无敌甜虾汤底於短短几年後俘虏日本国民同旅客心，仲系台湾同印尼开海外分店，人气爆灯！
 

　出名北海道名物，Homita梗系唔会错过啦！一幻拉面最出名就系　香甜浓郁甜虾汤底。等小编直击厨房，揭开呢个汤底秘密！拉面师傅每次以15KG加拿大甜虾头去熬制汤底， 每锅汤底都熬足足4小时，要用成60KG甜虾先足够应付一日份量！唔怪之得　虾汤底远近驰名，真系真材实料！

但要令到一碗拉面升级至神级美味，又点止系虾汤　简单呢？每一碗拉面都系即叫即整，系热锅中加入秘制虾油、猪油、蒜蓉同姜蓉爆炒，然後先加入新鲜浓厚虾汤同汤头。店方仲特别选用方形面饼，可以更好地挂汤，提升虾汤拉面独特风味。

招牌虾汤面 $88

客人可以根据自己口味去选择自己喜爱拉面，店方提供3种汤底包括纯虾汤、适量豚骨虾汤同浓厚豚骨虾汤；调味亦可以拣盐味、酱油同味增3种；亦都可以自以拣粗面或者幼面，组合多达18种之多！每碗拉面均附上一片叉烧同半苹糖心蛋，奉客前更会加入带红姜风味及虾味脆脆虾味面酥同埋熬煮过後虾头制成虾粉。小编最爱搭配系纯虾汤盐味粗面，盐味调味唔会抢虾汤风头，粗面可以更好地吸收甜虾鲜味。

煎饺子 $35

虾味饭团 $20

一幻叉烧饭 $45

除招牌虾汤拉面之外，店铺仲有虾味饭团、饺子同海外限定一幻叉烧饭！日式叉烧切成小件，加入面酥、青葱及少许秘制辣椒酱提味，淋系香软饭上面，一碗令人大满足。

小编今次黎除自己食，又点会唔记得大家呢？今次我地就为大家带黎免费饮物优惠，由2018年5月2日至2018年5月8日期间，凡惠顾「一幻拉面」招牌虾汤面朋友，只要赞好我地Homita同一幻拉面Facebook专页，完成後出示予店员，每人就可享用一客免费汽水/乌龙茶。

一幻拉面
地址∶香港湾仔皇后大道东119号B店
电话∶＋852 2789 3799
营业时间∶11∶00-23∶00