今次郊游习作同大家黎到长洲，一次过行晒小长城同张保仔洞，睇下奇石同名胜，实行行匀南长洲！

首先第一站行去关公忠义亭，呢度春天时候会有樱花，附近都会睇到宫粉羊蹄甲，详情请睇长洲樱花开啦！台风过後依然坚强盛放！

沿路继续行，无几耐就见到小长城入口。小长城系长洲东面一条远足径，因为全路都系使用石头作为建筑原材料，栏杆全部都系石栏，睇落去好似万里长城，因而得名。小长城长850米，入口为观音湾，经芝麻坑，终点是长洲的最东点玉玺石。途中我地都见到唔少巨石标同观望台，但唔系块块都　得到，有兴趣都可以仔细　一。

离开小长城，向南湾进发，南湾唔大，个沙滩行几步无晒，但都有　独特美，呢度仲有座天后庙，向住大海方向保渔民平安。

南湾旁边有条楼梯，上返去之後我地就向张保仔洞行，一路行半个钟左右，见到张保仔洞指示跟住行就得啦！留意返张保仔洞入面好黑，雨後会比较湿滑，落去要带强光电筒同著防滑鞋。

离开张保仔洞就沿路落山，一路跟住海边行就会出返码头，大家可以　间餐厅坐底食下野，又或者同小编一样去扫街，想知有咩食可以睇长洲狂食 烤雪炸样样齐，玩完食完之後搭船返屋企。

难易度∶

除张保仔洞全程都系行铺好路。

打卡度∶

主要都系睇下石睇下海，小编南湾系全程最靓一处，

设施完善度∶

指示好清晰，长洲系发展好完善旅游区。

最後提提大家行山要准备充足，量力而行；最紧要系爱惜香港大自然，自己垃圾自己带走啊！今次郊游习作系　多，我地下次见啦！拜拜！