今次我地就想同大家去龙鼓滩，龙鼓滩系除离岛之外香港最西面海滩，所以特别适合黎睇日落。除漫步沙滩睇日落之外，夏天仲可以睇到天空之镜同中华白海豚，重点系人比较少，过黎拍下拖好好Feel架！

首先可以系西铁屯门站C出口巴士站搭K52号巴士，系沙埔岗177号落车。一落车就到沙滩啦！系呢条呢条长长沙滩散步好舒服、好浪漫架！回头望可以见到龙鼓滩发电厂，天晴时候仲可以远眺澳门新葡京、珠海市一带，景观好开扬。

行过沙滩，会经过村公所士多同烧烤场，之後就会见到中华白海豚了望台。沿楼梯拾级而上，风景都越黎越靓，上到去会有一座凉亭，再上去就系了望台，呢度风景好开扬，天气热时候仲可以见到中华白海豚添！

了望台隔离有一条小径，通过小径会上到隔离小山岗，不过呢度有唔少风水地，介意就唔好过去，上到去小山岗见到风景会更加广阔，呢度有几旧大石，坐上去睇风景好舒服架！仲有人系度画个心心添！

难易度∶

除去上山岗要小心砂石跣脚，基本上都系铺好路。

打卡度∶

睇日落一流，夏天仲可以睇到中华白海豚同天空之镜添！

设施完善度∶

指示好清晰，有士多有厕所，睇完日落仲可以落返去BBQ。

最後提提大家行山要准备充足，量力而行；最紧要系爱惜香港大自然，自己垃圾自己带走啊！今次郊游习作系　多，我地下次见啦！拜拜！