今日想同大家去行荔枝窝，呢条路线可以一次过体验同见到特别地质风貌、古村、乡郊气息同客家围村文化，虽然宜家红日已经有街渡来往马料水同荔枝窝，但用自己苹脚行入去，体验到更多呢！
首先系大埔墟港铁站搭20R小巴入乌鲛腾，要注意小巴班次比较疏，要夹返时间出发。
落车向九租方向走，一入去其实系条村，见到狗狗系度慵懒地晒太阳，怕狗朋友大胆少少行过去啦，村狗见到人都唔吠，一苹二苹系度晒太阳，唔搞人架！
之後向左行，经过士多可以买水、小食，再向右转至小径。沿住小径行，会经过田，仲有旁边有村屋，好有田园气息。
之後就进入林径，一路都系平路，沿途介见到几棵红叶屹立系一片绿色之间，好似风景画 啊！好多人都会系度影返几张相。我地仲见到紫色小花，呢边路好易认，跟住水声行就无错啦！
向前进经过竹林，又好似去另一个地方 ，每行几十米都会发现到唔同植物。
见到呢黄色石桩就行路啦，呢度系唔可以行车同踩单车架！
继续向上苗田进发，以前听人讲上苗田有唔少废墟，但我地就 见到，反而见到小桥流水，好有古朴味道。不过由石桥、石路黎睇，呢度以前应该都系一条小村庄。
由呢度开始就要小心行，虽然地势平缓，但因为地上都系落叶同石头，凹凸不平，唔小心好易扑亲。
系下苗田石碑附近，有一间废置小屋。其实都认唔到 原本样啦，唔知以前系咩人住架呢？
再行入D会见到有叠石，大家可以系度影下相，呢度阴阴地度休息一下都唔错架！水流都几急，小心唔好跌落水，都唔好系度玩水。
向再前行就会见到走向三桠村路牌，沿路前行，会见到有一处空地，唔少人都会系度停留休息，但唔好玩水啊，呢度好深水好危险架，附近都有警示牌叫人小心山洪、切勿嬉水。
继续行个地会慢慢越黎越红，专家估计系因为空气氧化岩石中铁质所致。呢度岩石都唔算好红，附近红石门比呢度更壮观！有机会再同大家去睇下！
我地中途仲见到一条去马料水路，小编就唔敢挑战啦，因为呢度都有个路牌叫行人唔好行，不过以呢度绑足三苹色丝带黎睇，应该好多行山高手挑战呢条路线，但小编劝大家量力而为，唔好行入去。
再向前行见到政府整紧休憩设施，年尾就会完工，到时又多个休息地方啦！
行多几步，好快就到三桠涌，呢度一都唔似香港，湾岸系一片片红树林，风景靓到个人都放松晒，好治愈啊！
呢度好易影到超唯美风照相，Filter都唔洗加！
呢度系印洲塘其中一个照点，大家要好好爱护大自然，要遵守园规啊！
行过一条木板步道就行到三桠村，呢度乡郊气息甚浓，仲有现今已经好少见电话亭；大家可以系度去厕所，抖返一阵，又或者去合益蜂场食个饭，呢度好出名架！
再沿指示牌行去荔枝窝，今次小编真系见到识吠狗啦！好彩摄影哥哥够威猛（？）行过去苹狗就退走返屋企。系行去荔枝窝路上，都见到几间废屋，而其中一间围住铁丝网特别阴森，铁丝网仲比人畀个窿，应该系想入去探险。
再前进经过一条小道，下面有一个个排水孔，可能雨季呢度水位会唔一样，到时有机会再黎睇一下。
行3个钟，终於到达荔枝窝。你可以系村口爬楼梯上观景台，由高处俯瞰青山绿水美景。
入村路上我地见到好多白花鱼藤，好壮观。可惜我地去当日树林因为有塌树危机而封，睇唔到声名远播空心树王同五指樟。再行入村就见到好大棵风水树、协天宫等客家村落特色。大家可以系度游览一下，如果有时间不妨系度食个鸡粥先走。
小编当日系由梅子林村方向离开，大约个半钟左右就可以返到乌蛟腾，小编拣呢条路有2个原因，第一系小编唔想原路折返，会用比较多时间；第二系因为小编想留体力出去行街，所以无拣到行去鹿颈路，而系拣系分水凹接乌蛟腾郊游径离开。虽然呢条路相对地势 高，但都几崎岖，一定要小心脚步。行到顶风景都好开扬，再落到去去亚妈笏你回程就去大半，好快就会落返去村入面啦。如果系红日或假日其实都可以搭船返马料水，就比较轻松。
呢条路线虽然唔需要大量登高，但对平时无乜点行上班族而言，都有难度。因为系先平後钭，而且都有返 上下长(约14公里)，我地当日用差唔多4个半钟行晒全程(计埋休息时间)，建议大家预早少少同带定补及入去，途中其实有好多休息地方，都有几个补给点，亦都有食饭地方，放假黎行一日会相对轻松，亦都有更多休息同游览时间。
难易度∶
主要系睇耐力，毕竟系行钭路之前要行约2-3小时平路，然後先上山离开。
打卡度∶
红树林、红色岩石、石桩路同好多小桥、白花鱼藤林等等；要山有山要水有水、随便打卡唔洗逼。
设施完善度∶
有大量休息位，指示牌、警告牌、石碑、路牌沿途可见。村落中均有补及，亦都有洗手间。
路线地图∶
走时候都要睇返时间表，5点15分班次会有好多人搭，最好早少少过黎等车。
由於走时候人会比较多，如果搭唔到小巴，又唔想等一个钟搭下一班，可能要Call的士去大尾笃搭20C返大埔(5-10分钟一班)或者直接搭的士(约$110到大埔墟港铁站)出去。
最後提提大家行山要准备充足，量力而行；最紧要系爱惜香港大自然，自己垃圾自己带走啊！今次郊游习作系 多，我地下次见啦！拜拜！
