今次穷人食家去大围M.C.Box，好多人都话呢个街市整之後多好多好食，我地又一齐睇下50蚊可以系度食到乜啦！

宝泰车仔面

煎酿三宝 $11/5件

呢间车仔面档有好多人排队买小食，小编见买车仔面人唔算好多，但买小食就企晒人，买5件煎酿三宝，平就唔算平，不过就几好食。冻先食都唔会成口油。

青辣椒

椰汁西米糕 $15/3件

小编私心推荐。可能小编自己真系好钟意食泰国同甜，呢间椰汁西米糕好有层次好香甜，仲食到粒粒粟米，正！

仲生美食

葱花鸡蛋肠 $16

布拉肠虽然呢一排成日比人提起，不过真正卖地方就好少。叔叔好有心机即叫即整，真系比一般肠粉滑，同埋食到好重葱味。肠粉皮比我想像中厚身，同埋大家一定要劲落豉油！　地豉油真系有淡，要淋到出面茶楼变晒食先好味。

小食大亨

烧卖 $8/7粒

呢间小食大亨其实系街市出面。有好多唔同小食卖，仲有珍珠奶茶添！烧卖几弹牙，不过小编唔钟意呢度辣油。

今次我地黎到呢个新式街市，的确系非常乾净，但食唔算特别平，可能租金都系其中一个因素，反而大围站出面可能仲平。不过50蚊都够我地饱有突，小编仲拎埋椰汁西米糕返屋企食添！葱花鸡蛋肠真系几大份，一个女仔都未必食得晒，记住嗌埋男友去帮你食喇！今次穷人食家系　多，你地又有咩小食推荐呢？话比小编知，等我又去试????