香港女仔头毛从来都系五颜六色，由最初流行啡色长直发到依家大街小巷粉色、灰色、紫色、银色。靓归靓，但三番五次烫染损伤，而唔识好好保养，唯有最後快刀斩乱麻，剪晒变短发。OH, NO!

今次，小编就分享几个私藏吹头技巧，帮大家保养好每一丝秀发！

吹头之前先用乾发毛巾擦乾

首先大家一定要知漂染过头发由於毛鳞片受损，头发就会变得好似海绵　，吸好多水，头发就会难吹乾。而一直对住个头吹呢，一系会另头发局部高温二次受损，二系好时间。用乾发毛巾擦乾或者裹住个头，尽量比　吸多头发中水会好。

仲有一种乾发手套，Sasa就有得卖，都可以试下。

擦乾头发後、吹头前使用护发产品

依家市面上有好多专for吹头时使用护发产品，可以修护毛鳞片，防止吹头时对头发二次损伤，仲可以加快吹头速度。吹完成个头仲好香添！

拆去风筒『吹嘴』

其实吹头发最紧要风力要大，而好多普通吹风机风力并唔系好够。但唔晒担心，都唔晒特登买贵风筒。只要拆去风筒前面『吹嘴』，就可以保持足够风力。而『吹嘴』其实系用局部造型时先会使用，如果唔识整，可以完全唔晒用到『吹嘴』。

吹头由发根开始吹

最开始吹头，唔好著重发型效果，已吹乾为目的。先开大风，保持温度系37度左右，将发根部位吹乾，再慢慢向下吹乾发尾。

吹至7-8成乾时开始吹整

吹至7-8成乾时候就可以开始吹出造型了。可以先从发根向发尾顺住毛鳞片方向吹。吹得比较顺之後仲可以借助圆梳安上『吹嘴』将头发梳顺。